पारोळा – तालुक्यातील मोंढाळे प्र.ऊ. ते पिंप्री प्र.ऊ. दरम्यान बोरी नदीवर तब्बल १२ कोटी रूपयांचा भव्य पुलाचा बांधकामाचा भुमीपुजन सोहळा आमदार मा.आबासाहेब चिमणरावजी पाटील यांच्या शुभहस्ते व जळगांव जिल्हा मध्यवर्ती सहकारी बँकेचे उपाध्यक्ष मा.अमोलदादा पाटील यांच्या प्रमुख उपस्थितीत पार पडला. या पुलाची अनेक दशकांपासुन ग्रामस्थांची मागणी होती. हे पिंप्री प्र.ऊ.गांव वसल्यापासुन या गावाला लागुन बोरी नदीचे पात्र आहे. पावसाळ्यासह दैनंदिन या गावाचा दळणवळणाचा मोठा प्रश्न उद्भवत होता. नदीपात्रात पाणी आले कि, ह्या गावाचा पुर्णपणे संपर्क तुटायचा. ग्रामस्थांना दळणवळणासाठी सर्वेच मार्ग बंद व्हायचे, अशात दैनंदिन दळणवळण, आरोग्य, शिक्षण या मोठ्या समस्यांना ग्रामस्थांना तोंड द्यावे लागत होते.
अशात आरोग्य विषयक अनेक समस्या उद्भवत होत्या, गावातुन इतर ठिकाणी जाण्यासाठी रस्ताच नसल्याने अतिदक्षतेचे रूग्ण, गरोदर माता-भगिणी यांची खुप गैरसोय होत होती, यामुळे अनेक रूग्ण देखील दगावले आहेत. परंतु ही परिस्थिती बदलावी व या ग्रामस्थांचा सर्वांगिण विकास होवुन, मुख्य प्रवाहात आणण्याचा आमदार मा.आबासाहेब चिमणरावजी पाटील यांचा प्रयत्न व मा.अमोलदादा पाटील यांची संकल्पना होती. त्याचा योग्य तो पाठपुरावा करून आज या पुलाचा कामासाठी १२ कोटी रूपये इतका निधी मंजुर करण्यात आला. या सोहळ्याप्रसंगी ग्रामस्थांची कायमची दैनंदिन समस्या दुर करण्यासाठी निधी उपलब्ध करून दिल्याबद्दल आमदार मा.आबासाहेब चिमणरावजी पाटील व मा.अमोलदादा पाटील यांचा दोनही गावांचा वतीने नागरी सत्कार करण्यात आला.
या कार्यक्रमाचा प्रास्ताविकात मा.अमोलदादा पाटील यांनी ह्या पुलाचा मंजुरीसाठी केलेल्या पाठपुराव्याची माहीती दिली, तसेच मतदारसंघाचा इतर लोकाभिमुख विकासकामांचा लेखाजोखा यावेळी उपस्थित ग्रामस्थांसमोर मांडला. यावेळी आमदार मा.आबासाहेब चिमणरावजी पाटील यांनी या कार्यक्रमाला संबोधित करतांना सांगितले कि, मतदारसंघातील प्रत्येक घटकाला न्याय देण्याचा आमचा मानस आहे. जे घटक, गांव मुख्य प्रवाहात नाहीत त्यांना मुख्य प्रवाहात आणण्याचे कार्य आज सुरू आहे. मतदारसंघातील न भुतो न भविष्यती अशा सिंचन, पिण्यासाठी पाणी, रस्ते, पुल, इतर मुलभुत सुविधा या क्षेत्रातील कामे आज मार्गी लागली आहेत. ह्या ग्रामस्थांची पुलासाठी गेल्या कित्तेक दशकांपासुनची मागणी होती, ती आज पुर्ण करतांना मला देखील मनस्वी आनंद होत आहे.
याप्रसंगी शेतकी संघाचे संचालक चतुरभाऊसाहेब पाटील, जिजाबरावबापु पाटील, जि.प.मा.कृषि सभापती डाॕ.दिनकरभाऊसाहेब पाटील, जिल्हा नियोजन समिती सदस्य विजुआबा पाटील, विधानसभा क्षेत्रप्रमुख सुदामतात्या राक्षे, तालुकाप्रमुख मधुकरआबा पाटील, उपजिल्हाप्रमुख प्रशांत पाटील, एरंडोल पं.स.मा. सभापती गबाआण्णा पाटील, बाजार समितीचे मा.उपसभापती दगडुबापु पाटील, डाॕ.पी.के.पाटील, मा.संचालक भैय्यासाहेब पाटील, प्रा.बी.एन.पाटील सर, शेतकी संघाचे मा.अध्यक्ष डाॕ.राजेंद्र पाटील, मा.उपाध्यक्ष सखारामनाना चौधरी, मा.संचालक दासभाऊ पाटील,
राजेंद्र पाटील, शेतकी संघाचे संचालक प्रकाशनाना पाटील, भैय्यासाहेब पाटील, भैय्याभाऊ पाटील, सचिन पाटील, भिडुभाऊ जाधव, साहेबरावदादा पाटील, पिंपळकोठा सरपंच भैय्यासाहेब पाटील, बहादरपुर मा.सरपंच गोकुळ चौधरी, मुंदाणे प्र.ऊ.सरपंच एकनाथ पाटील, वाघरे सरपंच रावसाहेब पाटील यांचेसह स्थानिक स्वराज्य संस्थांचे आजी-माजी पदाधिकारी, सदस्य, विविध गावांचे आजी-माजी सरपंच, उपसरपंच, सदस्य, विकासोचे आजी-माजी चेअरमन, व्हा.चेअरमन, संचालक व ग्रामस्थ बांधव व माता-भगिणी मोठ्या संख्येने उपस्थित होते.
हे पण वाचा
- वावडदे येथे डिजिटल बँकिंग व सायबर फसवणूक याबाबत विद्यार्थ्यांचे मार्गदर्शन
- जामनेर तालुका दिवाणी न्यायालयात राष्ट्रीय लोक अदालतीचे आयोजन
- अखेर सुलेमानच्या मृत्यू नंतर अनधिकृत कॅफेंवर पोलीस प्रशासनाची टाळे बंद कारवाई/नगर परिषद प्रशासन अनभिज्ञ आहे काय?
- जामनेर तालुक्यातील बेटावद खुर्द येथील तरुणाचा टोळक्याच्या जीवघेण्या मारहाणीत मृत्यू
- जागतिक आदिवासी दिनानिमित्त जामनेर तालुक्यात योजना मार्गदर्शन व वृक्षारोपण कार्यक्रम
