यावल : शहराच्या बाहेर चोपडा रस्त्यावर महाजन पेट्रोल पंपाजवळ ट्रकच्या ताडपत्रीचा दोर बांधताना तोल जाऊन पडल्याने चालक जागीच ठार झाला.ही दुर्घटना रविवारी रात्री नऊ वाजता घडली. घटनेची माहिती मिळताच पोलीस पथकासह घटनास्थळी दाखल झाले. व मयत चालकाचा मृतदेह यावल ग्रामीण रुग्णालयात आणण्यात आला आहे. मयत हा मध्य प्रदेशातील इंदोर येथील रहिवासी असून त्याच्या कुटुंबीयांना माहिती देण्यात आली आहे.
यावल शहराबाहेर चोपडा रस्त्यावर महाजन पेट्रोल पंप आहे.या पेट्रोल पंपा जवळ ट्रक क्रमांक एम.पी.09 एच. जी. 2489 थांबवून चालक संतोष,रा. इंदोर मध्यप्रदेश हा ट्रक वरील ताडपत्रीला दोर बांधत होता दरम्यान ताडपत्री बाधत असतांना अचानक त्याचा तोल गेला आणि तो सरळ रोडावर कोसळला. त्यात त्याच्या डोक्याला जबर दुखापत होऊन तो जागीच ठार झाला. या दुर्घटनेची माहिती आरडा ओरड करून ट्रक वरील क्लीनर उपेंद्र राजकुमार चव्हाण याने नागरिकांना दिली.
तेव्हा घटनास्थळी अयाज खान, इम्तियाज शेख सह नागरिक दाखल झाले व त्यांनी पोलिसांना माहिती दिली असता पोलीस उपनिरीक्षक सुनील मोरे हे पथकासह दाखल झाले व मृतदेह तेथून यावल ग्रामीण रुग्णालयात आणण्यात आला. मयत संतोष याचे कुटुंबीय इंदोर मध्यप्रदेश येथे राहत असून त्यांच्या कुटुंबाला या दुर्घटनेची माहिती देण्यात आली आहे.रात्री उशिरापर्यंत यावल पोलिसात या दुर्घटने संदर्भात नोंद घेण्याचे काम सुरू होते.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
