ग्वाल्हेर (मध्य प्रदेश) – चौतीस वर्षीय गर्भवतीवर तिघांनी बलात्कार करून तिला पेटविल्याची धक्कादायक घटना मोरेना जिल्ह्यात घडली. या घटनेत महिला सुमारे ८० टक्के भाजली असून तिच्यावर ग्वाल्हेरमधील रुग्णालयात उपचार सुरू आहेत.
तिची मृत्युशी झुंज सुरू आहे.
मध्य प्रदेश पोलिसांनी दिलेल्या माहितीनुसार, पीडित महिलेच्या पतीवर दुसऱ्या महिलेने बलात्काराचा आरोप केला होता. या प्रकरणी पीडितेच्या पतीविरुद्ध गुन्हा नोंदविण्यात आला होता. सध्या तो जामिनावर आहे. या प्रकरणात तडजोड करण्यासाठी ती या महिलेच्या गावी गेली होती.
त्यावेळी, दुसऱ्या महिलेच्या घरात आधीपासूनच उपस्थित असलेल्या तीन जणांनी तिच्यावर बलात्कार केला. त्यानंतर या तिघांनी तिच्यावर इंधन टाकून तिला पेटविले. या आगीत ती गंभीररित्या जखमी झाली आहे. या घटनेचा व्हिडिओ पीडितेच्या पतीने पोलिसांना दिला.
पीडितेचा जबाब
दरम्यान, पीडितेने न्यायदंडाधिकाऱ्यांसमोर जबाब दिला असून पोलिसांनी मात्र अद्याप तिचा जबाब नोंदविलेला नाही. पोलिस अधिक तपास करत आहेत. या धक्कादायक घटनेमुळे परिसरात प्रचंड खळबळ उडाली आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
