जळगाव : व्हिडीओ व्हायरल करण्याची धमकी देत महिलेवर अत्याचार केला. एवढेच नव्हे तर कागदावर स्वाक्षरीसह दागिने देण्यास नकार दिल्याने महिलेला जीवेठार मारण्याची धमकी दिल्याचा प्रकार समोर आला आहे.याप्रकरणी एमआयडीसी पोलीस ठाण्यात गुन्हा दाखल करण्यात आला असून, पोलिसांनी आरोपीला अटक केलीय.
जळगाव शहरातील एका परिसरात पीडित महिला वास्तव्यास आहे. त्यांची भुषण निलेश पाटील (रा. खेडी, ता. जळगाव) याच्यासोबत ओळख झाली. दरम्यान, भुषण पाटील याने महिलेशी जवळीक साधून, शहरातील विविध ठिकाणी नेऊन तिच्यावर अत्याचार केला. अत्याचाराचा व्हिडिओ तयार करुन तो व्हायरल करण्याची धमकी देत भुषण पाटील याने महिलेेकडून सुमारे तीन ते चार लाखांचे दागिने घेतले.तसेच महिलेला कोऱ्या कागदावर स्वाक्षरी करण्यास सांगितले.
महिलेने स्वाक्षरी करण्यास नकार दिल्याने भुषण पाटील याने पीडितेला मारहाण करुन जीवेठार मारण्याची धमकी दिली. या प्रकरणी पीडित महिलेने एमआयडीसी पोलीसात तक्रार दिली. त्यानुसार भुषण निलेश पाटील याच्याविरुद्ध अत्याचाराचा गुन्हा दाखल करण्यात आला असून, पोलिसांनी त्याला अटक केली आहे. पुढील तपास सहाय्यक पोलीस निरीक्षक वाघमारे हे करीत आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
