इंदूर (मध्य प्रदेश) :- येथील एका गावामध्ये होळीच्या दिवशी एका ३० वर्षीय तरुणीला काही महिलांनी बेदम मारहाण केल्याची आणि तिला विवस्त्र करून गावातून फिरवल्याची धक्कादायक घटना घडली आहे. या प्रकरणी आता पोलिसांनी कठोर कारवाई करत या तरुणीला मारहाण करून विवस्त्रावस्थेत फिरवल्याच्या आरोपाखाली चार महिलांना अटक केली आहे. धक्कादायक बाब म्हणजे होळीदिवशी घडलेल्या या घटनेचा व्हिडीओसुद्धा बनवण्यात आला होता.
त्यानंतर हा व्हिडीओ सोशल मीडियावर व्हायरल करण्यात आला आहे. याबाबत समोर येत असलेल्या माहितीनुसार पोलीस एसपी (ग्रामीण) सुनील कुमार मेहता यांनी सांगितले की, गौतमपुरा पोलीस ठाणे परिसरामधील एका गावामध्ये चार महिलांनी मिळून एका तरुणीला जबरदस्तीने घराबाहेर काढले. त्यानंतर तिला जबर मारहाण केली. या महिल्या एवढ्यावरच थांबल्याय नाहीत. त्यांनी त्या तरुणीला विवस्त्र केले. तसेच त्याच अवस्थेत तिला गावभर फिरवले. या तरुणीची विवस्त्रावस्थेत धिंड काढली जात असताना कुणीतरी या घटनेचा व्हिडीओ बनवला आणि तो सोशल मिडियावर व्हायरल केला.
दरम्यान, या धक्कादायक प्रकाराला वाचा फुटल्यानंतर आता आरोपी महिलांना पोलिसांनी अटक केली आहे. या घटनेनंतर वरिष्ठ पोलीस अधिकाऱ्यांनी गावामध्ये जाऊन परिस्थितीचा आढावा घेतला. या प्रकारामुळे धक्का बसलेली पीडित तरुणी गाव सोडून तिच्या पालकांकडे गेली आहे. मिळालेल्या माहितीनुसार आरोपी आणि पीडिता दोघेही अनुसूचित जातींमधील आहेत. घडलेली घटना गावातीलच कुणीतरी मोबाईलवर चित्रित करून सोशल मीडियावर व्हायरल केली. पोलीस आता या घटनेचं चित्रिकरण करणाऱ्याचा शोध घेत आहेत.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
