जळगाव :- पैशांसाठी आजीचा खून करणाऱ्या नातवास जळगाव स्थानिक गुन्हे शाखेच्या पथकाने अवघ्या चार तासात अटक केली आहे. मांजाबाई दगडु भोई, (वय 80) रा. पिंपळगाव हरेश्वर ता.पाचोरा असे मयत वृद्ध महिलेचे तर विशाल प्रभाकर भोई असे संशयित मारेकरी तरुणाचे नाव आहे.विशाल हा मयत मांजाबाईच्या बहिणीचा नातू आहे. त्यास अटक करण्यात आली आहे. डोक्यावर झालेले कर्ज कमी करण्यासाठी आपण आजीचा गळा दाबून खून केल्याचे संशयित आरोपी विशाल भोई याने पोलिसांजवळ कबुल केले आहे.
आजीच्या हत्येनंतर तिच्या हातातील चांदीच्या गोटपाटल्यापैकी एक गोटपाटली व कानातील सोन्याच्या बाळया काढून घरात असलेल्या पोत्यामध्ये त्याने मृतदेह भरुन ठेवला. त्यानंतर मागच्या दरवाज्याने बाहेर निघून मोटार सायकलने अजिंठा गाठले. अजिंठा येथील एका सराफी दुकानात त्याने त्या वस्तू विकून रक्कम मिळवल्याची कबुली विशाल भोई याने पोलिसांना दिली आहे. स्थानिक गुन्हे शाखेच्या पथकाने केलेल्या कारवाईत हा प्रकार उघड झाला.
विशाल यास पिंपळगाव हरेश्वर पोलिसांच्या ताब्यात देण्यात आले आहे. स्थानिक गुन्हे शाखेचे पो.नि.किसनराव नजनपाटील यांच्या पथकातील सफौ विजयसिंग पाटील, हे. कॉ. लक्ष्मण पाटील, विजय पाटील, महेश महाजन, अकरम शेख, महेश सोमवंशी तसेच पिंपळगाव हरेश्वर पोलीस स्टेशनचे कर्मचारी हे.कॉ. रणजीत पाटील, जितेंद्र पाटील, दिपक आहिरे आदींनी या गुन्ह्याच्या तपासकामी सहभाग घेतला
हे पण वाचा
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
