यावल :- तालुक्यातील किनगाव येथील ५२ वर्षीय शेतकऱ्याने गेल्या आठवड्याभरापुर्वी कर्जास कंटाळून विषारी पदार्थ प्राषण केले होते व त्यांच्यावर जळगाव येथे उपचार सुरू होते उपचारा दरम्यान शुक्रवारी सकाळी त्यांचा मृत्यू झाला तेव्हा या बाबत जळगाव पोलिसात अकस्मात मृत्यूची नोंद करण्यात आली आहे.बॅक, विकास सोसायटी चे त्यांच्यावर कर्ज होते व शेताच्या नापिकीमुळे ते कर्ज बाजारी झाले होते.
किनगाव ता.यावल येथील ग्रामपंचायतचे माजी सदस्य राजेेंद्र धुडकू पाटील वय ५२ या शेतकऱ्याकडे दोन एकर बागायती शेती क्षेत्र आहे. व त्याव्दारे त्यांचे उदरनिर्वाह चालायचेे तर गेल्या काही वर्षापासुन मुलगा व मुलगीचे शिक्षण तसेच विवाह यांच्यावर पैसे खर्च झाले आणी शेतातुन पाहिजे तसे उत्पन्न मिळाले नाही. यातचं बँकेचे आणी विविध कार्यकारी सहकारी सोसायटीचे कर्ज कसे फेडायचे या विवंचनेत राजेंद्र पाटील हे होते याच नैराश्यातुन त्यांनी गेल्या आठवड्याभरापुर्वी किनगावात राहत्या घरात विषारी पदार्थ प्राषण केले
हा प्रकार निर्दशनास येताच त्यांना जळगाव जिल्हा शासकिय वैद्यकिय महाविद्यालयाच्या रूग्णालयात दाखल करण्यात आले येथ व नंतर खाजगी रूग्णालयात त्यांच्यावर उपचार चालले. तर शुक्रवारी सकाळी ११ वाजेला उपचारादरम्यान त्यांचा मृत्यू झाला तेव्हा या प्रकरणी जळगाव पोलिसात अकस्मात मृत्यूची नोंद करण्यात आली आहे त्यांच्या पश्चात पत्नी, एक मुलगा, एक मुलगी, सुन असा परिवार आहे.
हे पण वाचा
- एरंडोल विधानसभा मतदारसंघात महायुतीचे उमेदवार अमोलदादा पाटील यांचा एकतर्फी विजय,५६ हजार ३३२ मतांनी दणदणीत विजय.
- Viral Video:एका कारचालकास रुग्णवाहिकेला रस्ता न देणे पडले महागात, पोलिसांनी शिकवला धडा, लायसन्स केलं रद्द अन् केला लाखो रुपये दंड.
- आक्षेपार्ह पोस्टमुळे धरणगावात तणावपूर्ण बंद; भाजप व शिवेसेनेतर्फे पोलीस निरीक्षकांना निवेदन
- पतीच्या उपचारादरम्यान हृदयविकाराच्या झटक्याने मृत्यूनंतर तीन तासांत पत्नीने संपवली जीवन यात्रा; दोघांचे एकाच चितेवर अंत्यसंस्कार
- सोशल मिडीयावर माळी समाजावरील आक्षेपार्ह मजकुराच्या निषेधार्थ एरंडोल बंद; माजी पालकमंत्री डॉ.सतीश पाटील यांच्या पुतळ्याचे दहन.
