अमळनेर तालुक्यातील मालपूर येथील घटना, मारवाड पोलिसात गुन्हा दाखल.
अमळनेर :- शेतात जाणाऱ्या रस्त्यात मुरूम टाकण्याच्या कारणावरून आणि जुने भांडणामधून वाद निर्माण करत लाकडी दांडक्याने मारहाण करून खून केल्याची धक्कादायक घटना रविवारी १९ मे रोजी दुपारी ४.३० वाजता घडली आहे. याप्रकरणी मारवड पोलीस ठाण्यात ८ जणांविरोधात गुन्हा दाखल करण्यात आला आहे. प्रभाकर विनायक पाटील (वय-४७, रा. मालपुर ता. अमळनेर) असे मयत झालेल्या शेतकऱ्याचे नाव आहे. प्रभाकर विनायक पाटील हे पत्नी उज्वलाबाई पाटील यांच्यासह अमळनेर तालुक्यातील मालपुर गावात वास्तव्याला आहे.
त्यांच्या गावात राहणारे काही जणांसोबत त्यांचा जुना वाद होता. तसेच शेतातील रस्त्यावरून वाद सुरू होता. दरम्यान दि. १९ मे रोजी दुपारी ४.३० वाजेच्या सुमारास शेतातील रस्त्यावर मुरूम टाकण्याच्या कारणावरून ज्ञानेश्वर लहू पाटील, राजेंद्र लहू पाटील, दिलबर लहू पाटील, रुपेश ज्ञानेश्वर पाटील, शिवाजी भगवान पवार, लहू यादव पाटील, सुनंदा राजेंद्र पाटील आणि निर्जला राजेंद्र पाटील या ८ जणांनी लाकडी दांडक्याने त्यांना बेदम मारहाण केली. या मारहाणीत गंभीर जखमी झालेले प्रभाकर पाटील यांचा मृत्यू झाला आहे.
दरम्यान घटना घडल्यानंतर मारेकरी पसार झाले. याप्रकरणी प्रभाकर पाटील यांची पत्नी उज्वलाबाई पाटील यांनी मारवड पोलीस ठाण्यात धाव घेऊन तक्रार दिली. त्यानुसार रात्री ११ वाजता संशयित आरोपी ज्ञानेश्वर लहू पाटील, राजेंद्र लहू पाटील, दिलबर लहू पाटील, रुपेश ज्ञानेश्वर पाटील, शिवाजी भगवान पवार, लहू यादव पाटील, सुनंदा राजेंद्र पाटील आणि निर्जला राजेंद्र पाटील यांच्या विरोधात मारवड पोलीस स्टेशनला गुन्हा दाखल करण्यात आला आहे. घटनेचा पुढील तपास सहाय्यक पोलीस निरीक्षक कुमार नाईक हे करीत आहे.
हे पण वाचा
- Viral Video: दोन दरोडेखोर पिस्तुलाचा धाक दाखवून दागिने लुटणार इतक्यात दुकानदार व कर्मचाऱ्यांनी अस केलं की चोरांचा डाव उलटवला.
- पोलखोल! बनावट एडिशनल एसपी बनून आली पोलीस ठाण्यात पोलिसांनी केलं सॅल्यूट;पण एक छोटीशी चूक होताच पोलिसांनी केला महिलेचा पर्दाफाश.
- एरंडोल येथे संविधान दिवस उत्साहात संपन्न; “घर घर संविधान” चळवळ यशस्वी करण्याचा संकल्प
- धक्कादायक! आईने घरातील पत्र्याला घेतला गळफास,तर दोन चिमुकली आढळली पाण्याच्या बॅरेलमध्ये,कारण अस्पष्ट.
- आजचे राशी भविष्य गुरूवार दि. २८ नोहेंबर २०२४
