नवी दिल्ली : अनेक प्रयत्न करूनही प्रामाणिकला आज ऑफिसचं काम करावंसं वाटत नव्हतं. कारण काल रात्री बायकोशी झालेला वाद त्याला आठवत होता. अशातच प्रामाणिकचा अर्धा दिवस निघून गेला. इतक्यात प्रामाणिकचा मोबाईल वाजला.त्याने फोन उचलला तेव्हा त्याला दिसलं, तो त्याच्या पत्नीचा फोन आला आहे. मोबाईलवर बायकोचं नाव पाहून प्रामाणिकच्या चेहऱ्यावर हसू उमटलं.त्याला वाटलं, की कदाचित आपल्या पत्नीला तिची चूक कळली असेल आणि तिने माफी मागायला फोन केला असेल.
या आशेने त्याने फोन उचलला आणि हॅलो बोलला. मात्र तिकडून बायको असं काही बोलली की, प्रामाणिकचा चेहरा पडला आणि त्याच्या कपाळावरून घाम टपकू लागला. त्याने आधी मुलाच्या शाळेकडे धाव घेतली आणि तिथून मुलाला घरी नेलं. घरातील दृश्य पाहून त्याच्या पायाखालची जमीनच सरकली.यानंतर त्याने थेट पोलिसात धाव घेतली. प्रामाणिकने पोलिसांना सांगितलं की, काल रात्री तो घरी पोहोचला तेव्हा त्याची पत्नी फोनवर कोणाशी तरी बोलत होती. हे पाहताच पत्नीने फोन कट केला. प्रामाणिकने पत्नीला कोणाशी बोलते असं विचारलं असता, या प्रश्नावर पत्नी संतापली.
आणि, काही काळानंतर, या नाराजीचं रूपांतर पती-पत्नीमधील भांडणात झालं.या वादादरम्यान त्याच्या पत्नीने खुलासा केला की, ती तरुण नावाच्या मुलाशी बोलत होती आणि ती त्याला लग्नापूर्वीच ओळखत होती. हे ऐकून प्रामाणिक तिथून निघून गेला आणि बायकोने बोललेले शब्द त्याला पुन्हा पुन्हा आठवू लागले. आपल्या बायकोने रागाच्या भरात हे बोललं असावं असं प्रामाणिकला अजूनही वाटत होतं. दुसऱ्या दिवशी तो नेहमीप्रमाणे सकाळी तयार होऊन ऑफिसला गेला.सकाळी अकराच्या सुमारास तो ऑफिसमध्ये काम करत असताना त्याच्या पत्नीने फोन करून सांगितलं, की ती जात आहे. एवढंच सांगून तिने फोन कट केला.
प्रामाणिकने पत्नीच्या नंबरवर पुन्हा कॉल करण्याचा प्रयत्न केला असता तो बंद होता. काही वेळाने त्याला तरुण नावाच्या व्यक्तीचा फोन आला. त्याने फोन उचलला तर पलीकडून त्याच्या बायकोचा आवाज आला. प्रामाणिक काही बोलायच्या आधीच त्याच्या बायकोने सांगितलं, की ती तरुणाला लग्नाआधीपासून ओळखते आणि तिचं त्याच्यावर प्रेम आहे.मी आता तरुणासोबत जात आहे, तू शाळेत जाऊन मुलाला घेऊन ये, असं त्याच्या पत्नीने फोनवर सांगितलं असल्याचं प्रामाणिकने पोलिसांना सांगितलं. यानंतर तरुणाचा मोबाईलही बंद झाला. दरम्यान, प्रामाणिकच्या तक्रारीवरून सायबराबाद जिल्ह्यातील शमशाबाद पोलिसांनी एफआयआर नोंदवून या प्रकरणाचा तपास सुरू केला आहे.
हे पण वाचा
- Viral Video: भररस्त्याच्या धावत्या बाईकवरच पत्नीने नवऱ्याला गाडीवरच चप्पलने धू धू धुतलं, पहा धक्कादायक व्हिडिओ.
- प्रेम आंधळं असतं ! ग्रॅज्युएट झालेल्या तरुणीने 8 वी नापास झालेल्या युवकांशी केलं लग्न, काय आहे संपूर्ण प्रकरण वाचा….
- धक्कादायक! सप्तशृंगगडाच्या शितकड्यावरून उडी घेत तरुण-तरुणीने संपविले जीवन.मृत्यूचे कारण अस्पष्ट.
- एरंडोलला चाललंय तरी काय ? सबकुछ गुपचूप गुपचूप- चर्चातेरी भी चूप मेरी भी चूप-
- Viral Video:रस्त्यावरुन जाणाऱ्या बुरखाधारी महिलेला जबरदस्ती जवळ ओढलं अन् केला ‘किस’ युवकास पोलिसांकडून चोप पहा व्हिडिओ.
