बुलढाणा :- चारित्र्यावर संशय घेऊनपत्नीवर चाकूने सपासप वार करून तिचा निघृण खून केल्याप्रकरणी बुलढाणा कोर्टाने महत्त्वपूर्ण निकाल दिला आहे. नराधम पतीला बुलढाणा जिल्हा कोर्टाने 20 मे रोजी दुहेरी जन्मठेप आणि 16 हजार 500 रुपयांचा दंडीची शिक्षा सुनावली. गजानन विश्वनाथ जाधव (35, रा. जालना) असे आरोपीचे नाव आहे. पूजा गजानन जाधव असे मृत महिलेचे नाव होते.
कधी घडली घटना..
बुलढाणा शहरातील त्रिशरण चौकानजीक असलेल्या जगदंबनगरात 9 ऑगस्ट 2021 रोजी ही घटना घडली होती. गजानन जाधव याने त्याची पत्नी पूजा हिच्यावर धारदार चाकूने सपासप वार करून तिची निघृण हत्या केली होती. या प्रकरणी मृत महिलेचे वडील सुरेश दत्तू तायडे यांनी बुलढाणा शहर पोलिस स्टेशनमध्ये तक्रार दिली होती. गजानन हा कायम पत्नीकडे संशयाच्या नजरेने पाहात होता. तिच्या चारित्र्यावर संशय घेत होता. यातूनच त्याने पत्नीची हत्या केली होती.
नेमकं प्रकरण काय?
पूजा उर्फ गीता हिचा सन 2021 मध्ये जालना येथील गजानन विश्वनाथ जाधव याच्यासोबत विवाह झाला होता. परंतु, गजानन हा पत्नी पूजाच्या चारित्र्यावर कायम संशय घेत होता. त्यातून तिला मारहाण करून मानसिक त्रास देत होता. पूजाचे वडील सुरेश तायडे यांनी गजानन याची समजही दिली होती. गजानन आणि पूजा यांनी तीन मुली झाला. मात्र, गजानन याचा संशय काही कमी झाला नव्हता. त्यामुळे पतीच्या त्रासाला कंटाळून पूजा ही बुलढाणा येथे माहेरी आली होती. दरम्यान, 8 ऑगस्ट 2021 रोजी आरोपी गजानन हा देखील बुलढाण्यात आला. 9 ऑगस्ट 2021 रोजी तायडे कुटुंबीय काही कामानिमित्त बाहेर गेले होते. पूजा घरात एकटीच होती. तिच्या मुली अंगणात खेळत होत्या. अशातच आरोपी गजानन यांने पूजावर धारदार चाकूने सपासप 8 वार करून तिची निघृण हत्या केली. घटनेची माहिती मिळाल्यानंतर पोलिस उपनिरीक्षक सुधाकर गवारगुरू यांनी आपल्या पथकासह घटनास्थळी धाव घेतली. रक्तबंबाळ अवस्थेत पूजाला स्थानिक नागरिकांनी जवळच्या हॉस्पिटलमध्ये हलवले. मात्र खूप उशीर झाला होता. डॉक्टरांनी तिला मृत घोषित केले होते.
गजाननचाही दोन मुलींसह आत्महत्येचा प्रयत्न
पत्नीची हत्या केल्यानंतर दुसरीकडे आरोपी गजानन याने आपल्या दोन मुलींसह आत्महत्येचा प्रयत्न केला होता. गजानन याने त्याच्या दोन मुलींनासोबत घेऊन घराजवळ असलेल्या संगम तलावात उडी घेतली होती. सुदैवाने तेथे उपस्थित असलेल्या नागरिकांनी निघांचा जीव वाचवला होता. पूजाच्या वडिलांनी केलेल्या तक्रारीनंतर पोलिसांनी गजानन याला अटक केली होती. नंतर गजानन यानेही पोलिसासमोर गुन्ह्याची कबुली दिली होती.
15 जणांची साक्ष ठरली महत्त्वाची..
बुलढाणा कोर्टात हे प्रकरण सुनावणीसाठी आले असता जिल्हा सरकारी वकील वसंतराव लक्ष्मण भटकर यांनी प्रभावी युक्तिवाद केला. एकूण 15 साक्षीदार तपासण्या त आला. यात घराशेजारी राहणाऱ्या स्वाती चव्हाण, सविता सावंत, दिनकर पवार, संतोष खिल्लारे यांची साक्ष महत्त्वपूर्ण ठरली. यासाबेतच घटना स्थळावरील पुरावे, वैद्यकीय पुराव्यांची सरकारी वकील भटकर यांनी सुयोग्य जोड युक्तिवादादरम्यान दिली.नराधम गजाननला दुहेरी जन्मठेपउभय बाजूंचा युक्तिवाद ऐकून बुलढाणा येथील जिल्हा व सत्र न्यायाधीश (2) एस. बी. डिगे यांनी आरोपी गजानन जाधव यास विविध कलमांन्वये तथा पत्नीचा खून, दोन मुलींना जिवे मारण्याचा प्रयत्नासह स्वतः आत्महत्या करण्याचा प्रयत्न केल्याप्रकरणात दुहेरी जन्मठेपेची शिक्षा सुनावली. या प्रकरणातील विविध कलमां मध्येही विविध स्वरूपाच्या शिक्षा त्यास सुनावल्या आहेत. या सर्व शिक्षा आरोपीला एकत्रित भोगावयाच्या आहेत. प्रकरणात सेवानिवृत्त पोलिस उपनिरीक्षक सुधाकर गवारगुरू, ठसेतज्ज्ञ रामेश्वर गाढवे तसचे कोर्ट पैरवी किशोर कांबळे यांचेही महत्त्वपूर्ण योगदान राहिले.
