यावल :- शहरातील भुसावळ टी पॉइंट जवळ असलेल्या बियर शॉपी मध्ये काम करणाऱ्या एका ३३ वर्षीय तरुणाला बियर ची बॉटल अर्धवट निघाली असे सांगत तिघांनी त्याला मारहाण केली व त्याला जातीवाचक शिवीगाळ केली ही घटना दिनांक ८ जून रोजी रात्री घडली होती. तेव्हा याप्रकरणी यावल पोलीस ठाण्यात गुरुवारी रात्री तिघांविरुद्ध ऍट्रॉसिटी सह विविध कलमान्वये गुन्हा दाखल करण्यात आला आहे.
यावल शहरात भुसावळ टी पॉइंट जवळ तालुका शेतकरी खरेदी विक्री संघाच्या व्यापारी संकुलात संगम बियर शॉपी आहे. या बियर शॉपी मध्ये बियर घेण्यासाठी पप्पू उर्फ अनिश छोटू पटेल हा गेला होता तेव्हा तेथे बियर अर्धवट निघाली असे सांगत त्याने व त्याच्यासोबत असलेल्या दानिश पटेल आणि अन्य एक जण अशा तिघांनी बिअर शॉपी वरील अनुसुचित जमातीच्या ३३ वर्षीय आदिवासी तरूणास जातीवाचक शिवीगाळ केली व त्याला मारहाण करून दुखापत केली. तेव्हा याप्रकरणी यावल पोलीस ठाण्यात ऍट्रॉसिटी सह विविध कलमान्वये गुन्हा दाखल करण्यात आला आहे. पुढील तपास फैजपूर उपविभागीय कार्यालयाच्या सहाय्यक पोलीस निरीक्षक अधीक्षक अन्नपूर्णा सिंग या करीत आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
