एरंडोल :- येथे गावठी पिस्तूल ताब्यात बाळगणाऱ्या एका २० वर्षीय युवकास स्थानिक गुन्हे शाखेच्या पथकाने रंगेहाथ पकडले. प्रविण रवींद्र बागुल (वय २०) असे या तरूणाचे नाव आहे. केवडीपुरा भागात राहणाऱ्या प्रविण रवींद्र बागुल या तरुणाकडे सिल्व्हर रंगाचे प्लास्टिक मूठ असलेले २५ हजार रुपये किंमतीचे गावठी पिस्तूल असल्याची गुप्त माहिती स्थानिक गुन्हे शाखेस मिळाली होती.
त्यावरून शनिवारी ११.३० वाजेच्या सुमारास एरंडोल शहरातील बीएसएनएल कार्यालया नजीक पिंप्री रोडवर पोलिसांनी सापळा लावला. प्रविण बागुल हा तेथे आला असता पोलिसांनी त्याला पकडून झाडाझडती घेतली असता त्याच्याकडे गावठी पिस्तूल, चोरीची दुचाकी व मोबाईल मिळून आला. पोलिसांनी त्याला अटक केली. दरम्यान आरोपी प्रविण रवींद्र बागुल यास पोलिसांनी न्यायालयात हजर केले असता त्यास दोन दिवसाची पोलीस कोठडी सुनावण्यात आली.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
