Viral Video: भारतीय चित्रपटांतील नवी गाणी असो किंवा जुनी गाणी असोत, या गाण्यांची भुरळ परदेशातील लोकांनाही पडते. सोशल मीडियावर ही गाणी सातत्याने चर्चेत असतात. त्या गाण्यांवर अनेक लोक रील्स बनवतानाही दिसतात.परदेशातील कलाकारदेखील भारतातील या विविध भाषेतील चर्चेत असणाऱ्या गाण्यांवर रील्स बनवतात. मागील काही दिवसांपासून सोशल मीडियावर ‘पुष्पा २’ चित्रपटातील गाणी, तसेच मराठमोळे ‘गुलाबी साडी’ हे गाणं, ‘देखा तेनु’, ‘तौबा तौबा’ अशी अनेक नवीन गाणी चर्चेत आली आहेत,
ज्यावर भारतासह परदेशातीलही लाखो युजर्सनी रील बनवले आहेत. दरम्यान, आता बॉलीवूडमधील एक जुनं पण अनेकांच्या आवडीचं गाणं एक परदेशातील तरुणी गाताना दिसतेय.बॉलीवूड अभिनेता शाहरुख खानने आतापर्यंत अनेक सुपरहिट चित्रपटांमध्ये काम केले आहे. त्याच्या प्रत्येक चित्रपटातील एकतरी गाणं सुपरहिट होतंच. सध्या सोशल मीडियावर एका परदेशातील तरुणीचा व्हिडीओ व्हायरल होतोय, ज्यामध्ये ती ‘मोहब्बतें’ चित्रपटातील ‘आंखें खुली हों’ हे गाणं गाताना दिसतेय.
हा व्हिडीओ चीनमधील असून एक तरुणी रस्त्याच्या कडेला उभी राहून शाहरुखच्या ‘मोहब्बतें’ चित्रपटातील ‘आंखें खुली हों’ हे गाणं सुंदर आवाजात गात आहे. आजूबाजूला उभे असलेले लोकही तिच्याकडे कौतुकाने पाहत आहेत. युजर्सही सोशल मीडियावर या तरुणीचं खूप कौतुक करत आहेत.हा व्हिडीओ x(ट्विटरवरील) @Dinesh Purohit या अकाउंटवरून शेअर करण्यात आला असून या व्हिडीओला आतापर्यंत दीड लाखांहून अधिक व्ह्यूज आणि हजारो लाइक्स मिळाल्या आहेत.
तसेच त्यावर अनेक जण कमेंट्स करतानाही दिसत आहेत.युजर्सच्या कमेंट्स चर्चेतएका युजरने लिहिलंय की, ‘खूपच सुंदर’, तर दुसऱ्या युजरने लिहिलंय की, “क्या बात है”, तर आणखी एकानं लिहिलंय, “सुंदर आवाज आहे हिचा”, तर आणखी एकाने लिहिलंय की, ‘खूपच भारी.’दरम्यान, यापूर्वी देखील अनेक परदेशी कलकारांनी भारतीय गाणी सुंदर स्वरात गायली आहेत. ज्याचे व्हिडीओ मोठ्या प्रमाणात सोशल मीडियावर व्हायरल झाला होता. तसेच अनेक कलाकार भारतीय गाण्यांवर ठेका धरतानाही दिसतात.
हे पण वाचा
- न्यू इंग्लिश मीडियम स्कूल ची आषाढी वारी एरंडोल शहरात संपन्न
- भडगावमध्ये मोहरम उत्सव उत्साहात संपन्न.!!!सामाजिक ऐक्याचे सुंदर चित्र.
- एरंडोल शहरातील भटक्या व पिसाळलेल्या कुत्र्यांच्या तत्काळ बंदोबस्तासाठी दिले निवेदन.
- एरंडोल येथील गांधीपुरा भागात वृद्ध महिलेचे हातपाय बांधून चाळीस हजार रुपयांची लुट.
- अंजनी नदीचे अस्तित्व धोक्यात,प्रशासनाचे स्वच्छतेकडे दुर्लक्ष; नदीला आले गटारगंगेचे स्वरूप, सार्वजनिक शौचालय व स्वच्छतागृहाचे दुर्गंधीयुक्त सांडपाणी पालिकेने सोडले नदीत.
