जळगाव : शहराकडे जात असलेल्या दुचाकीला पाठीमागून भरधाव वेगाने येणाऱ्या ट्रकने जोरदार धडक दिली. या अपघातात विवाहितेसह १७ वर्षीय मुलीचा जागीच मृत्यू झाला. तर तीन वर्षाचा मुलगा गंभीर जखमी आहे.ही धक्कादायक घटना बुधवारी (दि.२८) मानराज पार्कजवळ दुपारी दोनच्या सुमारास घडली. दिक्षिता राहूल पाटील (वय २७) व पायल उर्फ खुशी देवेंद्र जलंकर (वय १७) अशी मृतांची नावे आहेत तर रूद्रा राहूल पाटील (वय ३) हा चिमुकला गंभीर जखमी असून त्याच्यावर रुग्णालयात उपचार सुरू आहेत.
ही घटना सीसीटीव्ही कॅमेऱ्यात कैद झाली आहे. याबाबत अधिक माहिती अशी की, शहरातील वाटिकाश्रम येथील द्वारकाई अपार्टमेंट येथे पायल जलंकर ही मुलगी परिवारासह राहते. याच अपार्टमेंटमध्ये दिक्षिता पाटील ही विवाहिता आपल्या माहेरी आली होती. या अपार्टमेंटमध्ये राहणारे निलेश पाटील यांना मुलगा झाला होता. त्यामुळे त्या मुलाला पहाण्यासाठी दिक्षिता पाटील ही विवाहित महिला आपल्या मुलासह पायल जलंकर हिच्यासोबत बुधवारी दुपारी (क्र. एम एच १८ ए एस ५३७९) या दुचाकीवरून हॉस्पिटलमध्ये जाण्यासाठी निघाली होती.
खोटे नगरकडून शहराकडे दुचाकीने जात असतांना मानराज पार्कजवळील पुलाच्या उतरतीवर मागून भरधाव वेगाने येणाऱ्या ट्रकने त्यांच्या दुचाकीला जोराची धडक देवून दोघांना चिरडल्याने पायल जंलकर व दिक्षिता पाटील या दोघींचा जागीच मृत्यू झाला. तर रूद्र हा चिमुकला गंभीर जखमी झाला असून त्याच्यावर उपचार सुरू आहेत.ही घटना नजीकच्या सीसीटीव्ही कॅमेऱ्यात कैद झाली आहे. या घटनेची माहिती मिळाल्यानंतर जिल्हापेठ पोलीस ठाण्याचे पोलिसांनी घटनास्थळी धाव घेत पंचनामा करून मृतदेह शासकीय वैद्यकीय महाविद्यालयात पाठविला . या घटनेबाबत जिल्हापेठ पोलीस ठाण्यात अकस्मात मृत्यूची नोंद करण्यात आली.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
