एरंडोल :- महिला व मुलींवर होणाऱ्या अत्याचारांच्या घटनांमध्ये अनाकलनीय वाढ होत असल्याचे चित्र हल्ली जास्तप्रमाणात आपल्या समोर येत आहे. आत्ताच कोलकाता व बदलापूर येथे अत्याचाराचा लाजिरवाणा प्रकार घडला, त्याच्या निषेधार्थ शास्त्री इन्स्टिट्यूट ऑफ फार्मसी एरंडोल यांच्या वतीने गुरुवार दिनांक 29/08/ 2024 रोजी एरंडोल बस स्थानकापासून ते पोलीस स्टेशन पर्यंत मोर्चा काढण्यात आला.
या मोर्चामध्ये महिला व मुलींवर झालेल्या अत्याचारांबाबत कठोर शब्दात निंदा करण्यात आली तसेच महाविद्यालयातील विद्यार्थ्यांनी पथनाट्य सादर करून लोकांच्या मनात समाजातील महिलांकडे बघण्याचा दृष्टिकोन बदलला पाहिजे याबद्दल जागरूकता निर्माण करणारे पथनाट्य सादर करण्यात आले. माननीय प्रांताधिकारी साहेब, माननीय तहसीलदार साहेब, तसेच माननीय पोलीस निरीक्षक साहेब एरंडोल यांना डॉ.पराग कुलकर्णी सह महिला शिक्षक व विद्यार्थिनींनी निवेदन देऊन अश्या घटना रोखण्यासाठी नवीन कठोर कायदा करावा
आरोपींना कठोरातील कठोर शिक्षा व्हावी या बाबत विनंती सरकारकडे केली व मोर्चाची सांगता करण्यात आली. या मोर्चामध्ये महाविद्यालयाचे उपप्राचार्य डॉ.पराग कुलकर्णी यांच्या समवेत HOD प्रा. जावेद शेख, प्रा. राहुल बोरसे व सर्व शिक्षक, शिक्षकेतर कर्मचारी व विद्यार्थी उपस्थित होते. कार्यक्रमासाठी प्राचार्य डॉ. विजय शास्त्री सचिव रूपा शास्त्री यांचे मोलाचे मार्गदर्शन लाभले. असे महाविद्यालयाचे जन संपर्क अधिकारी शेखर बुंदेले यांनी कळवले.
हे पण वाचा
- Viral Video:एका कारचालकास रुग्णवाहिकेला रस्ता न देणे पडले महागात, पोलिसांनी शिकवला धडा, लायसन्स केलं रद्द अन् केला लाखो रुपये दंड.
- आक्षेपार्ह पोस्टमुळे धरणगावात तणावपूर्ण बंद; भाजप व शिवेसेनेतर्फे पोलीस निरीक्षकांना निवेदन
- पतीच्या उपचारादरम्यान हृदयविकाराच्या झटक्याने मृत्यूनंतर तीन तासांत पत्नीने संपवली जीवन यात्रा; दोघांचे एकाच चितेवर अंत्यसंस्कार
- सोशल मिडीयावर माळी समाजावरील आक्षेपार्ह मजकुराच्या निषेधार्थ एरंडोल बंद; माजी पालकमंत्री डॉ.सतीश पाटील यांच्या पुतळ्याचे दहन.
- आजचे राशी भविष्य गुरूवार दि.२१ नोहेंबर २०२४
