बुलढाणा – बुलढाणा शहराजवळील मिर्झा नगर येथील जंगल परिसरातील नाल्याजवळ झाडाला लटकलेल्या अवस्थेत मृतदेह आढळल्याने खळबळ उडाली आहे. 35 वर्षीय अनोळखी इसमाचा मृतदेह आढळला आहे. मृतदेहाची परिस्थिती अत्यंत कुजलेला असल्याने या इसमाने आत्महत्या केली की, त्याचा घातपात करण्यात आला याची चौकशी पोलीस करत आहे.
मृतदेह दिसल्याची माहिती मिळताच बुलडाणा शहर पोलिस घटनास्थळी पोहोचले. मृतदेह जंगलाच्या खोऱ्यात असल्याने घटनास्थळीच शवविच्छेदन करण्यात येणार आहे. दरम्यान इसमाने आत्महत्या केली, की त्याचा घातपात झाला? याचा तपास बुलढाणा पोलीस करीत आहे.
