मुंबई: राष्ट्रवादी नेते, राज्याचे सामाजिक न्यायमंत्री धनंजय मुंडे यांना हृदयविकाराचा सौम्य झटका आला असून त्यांना मुंबईतील ब्रीच कँडी रुग्णालयात दाखल करण्यात आले आहे. एएनआय या वृत्तसंस्थेने यासंदर्भातील वृत्त दिले आहे.
असे सांगण्यात आले आहे की, धनंजय मुंडे यांना सायंकाळच्या सुमारास छातीत वेदना जाणवू लागल्या. हा हृदयविकाराचा सौम्य झटका असल्याची माहिती समोर आली आहे. त्यांना ब्रीच कँडी रुग्णालयात दाखल करण्यात आले असून उपचार सुरू आहेत. धनंजय मुंडे यांची प्रकृती आता स्थिर आहे. दरम्यान, धनंजय मुंडे यांच्या प्रकृतीची माहिती घेण्यासाठी राज्याचे आरोग्यमंत्री राजेश टोपे ब्रीच कँडी रुग्णालायात पोहोचले होते.
