पाण्यात बुडालेल्या मुलाने मराली मिठी, बाप-लेकाचा तलावामध्ये बुडून दुर्दैवी मृत्यू
जालना : जालना शहरातील मोती तलावात पोहण्यासाठी गेलेल्या पिता-पुत्राचा बुडून मृत्य झाल्याची धक्कादायक घटना घडली आहे. ही घटना काल दुपारी घडली. तब्बल तासाभराच्या शोधकार्यानंतर बुडालेल्या पिता-पुत्राचे मृतदेह बाहेर काढण्यात आले.
आकाश पोहोण्यासाठी तलावात गेला आणि माणिक निर्मळ व अन्य दोन मुले हे तलावाच्या काठाला पोहत होते. तेवढ्यात आकाश पाण्यात बुडाला. हे पाहताच माणिक हे त्याला वाचवण्यासाठी गेले. यावेळी आकाशने त्यांना मिठी मारली. यामुळे दोघेही पाण्यात बुडाले. त्याचवेळी रोहित आणि विकी यांनी घराकडे धाव घेतली. घटनेची माहिती मिळताच नातेवाईकांनी घटनास्थळी धाव घेऊन पोलिसांना कळविले.
घटनेची माहिती मिळताच चंदनझिरा पोलिसांसह अग्निशमन विभागाचे दोन बंब घटनास्थळी दाखल झाले. तासाभराच्या शोधकार्यानंतर पिता-पुत्रांचे मृतदेह बाहेर काढून शासकीय वैद्यकीय रुग्णालयात पाठवण्यात आले.
