पुणे : धनकवडी येथील सदगुरु श्री शंकर महाराज उड्डाणपूलावर एस टी बसचे ब्रेक फेल झाल्याने उड्डाणपूलावरुन जाणाऱ्या एका चारचाकी सहा- सात दुचाकींना धडक दिली ही घटना आज सकाळी साडेअकरा वाजता घडली.
या अपघातामध्ये तीन जण गंभीर जखमी झाले असून जखमींना उपचारासाठी रुग्णालयात दाखल करण्यात आले आहे. चार ते पाच जण किरकोळ जखमी झाले आहेत.
सातारा – स्वारगेट बस क्रमांक एमएच ०६ एस ८४६७ ही सातारा येथून सकाळी पुण्याकडे जाण्यास निघाली. दरम्यान गुरुवारी सकाळी साडेअकरा वाजता एसटी बस धनकवडी येथील सदगुरु श्री शंकर महाराज उड्डाणपूलावरुन जाताना अचानक एसटी बसचे ब्रेक न लागल्याने समोरच्या वाहनांना धडक देत बाजूच्या संरक्षक भिंतीला हँन्ड लाँक होऊन थांबल्याने सुदैवाने मोठी दुर्घटना टळली.
