बंडखोर शिंदे गटाच्या व्यूव्हरचनेला निष्पभ्र करण्यासाठी तसेच शिवसेनेची पडझड रोखण्यासाठी शिवसेना पक्षप्रमुख उद्धव ठाकरे, आदित्य ठाकरे, संजय राऊत आणि तमाम शिवसैनिक मैदानात उतरले आहेत. गेल्या दोन दिवसांपासून संजय राऊत, आदित्य ठाकरे तसेच शिवसेना नेत्यांचे मुंबईत मेळावे होत आहेत. काल वरळी येथे आदित्य ठाकरे यांचा मेळावा पार पडला तर आज कलिना येथे हजारो शिवसैनिकांना आदित्य ठाकरे यांनी संबोधित केलं.

मुंबई :- मुख्यमंत्री उद्धव ठाकरे यांनी बंडखोर नेते एकनाथ शिंदे यांना मुख्यमंत्रिपदाची ऑफर दिली होती, असा गौप्यस्फोट पर्यावरण मंत्री आदित्य ठाकरे यांनी केला आहे. उद्धव ठाकरे यांनी २० मे रोजी एकनाथ शिंदे यांना वर्षावर बोलावून घेतलं होतं. यावेळी तुम्हाला मुख्यमंत्री व्हायचं का असा थेट सवला मुख्यमंत्र्यांनी एकनाथ शिंदे यांना विचारला होता. त्यावेळी एकनाथ शिंदे यांनी बाकी प्रश्न उपस्थित करुन मूळ विषयाला बगल दिल्याचं आदित्य ठाकरे म्हणाले.

बंडखोर शिंदे गटाच्या व्यूव्हरचनेला निष्पभ्र करण्यासाठी तसेच शिवसेनेची पडझड रोखण्यासाठी शिवसेना पक्षप्रमुख उद्धव ठाकरे, आदित्य ठाकरे, संजय राऊत आणि तमाम शिवसैनिक मैदानात उतरले आहेत. गेल्या दोन दिवसांपासून संजय राऊत, आदित्य ठाकरे तसेच शिवसेना नेत्यांचे मुंबईत मेळावे होत आहेत. काल वरळी येथे आदित्य ठाकरे यांचा मेळावा पार पडला तर आज कलिना येथे हजारो शिवसैनिकांना आदित्य ठाकरे यांनी संबोधित केलं.

आदित्य ठाकरे म्हणाले, “गेल्या महिनाभरापासून कुरबूर सुरु होती. गेल्या २० तारखेला (२० मे) उद्धव ठाकरे यांनी एकनाथ शिंदे यांना वर्षावर बोलावून घेतलं होतं. त्या भेटीत उद्धव ठाकरे यांनी थेट एकनाथ शिंदे यांना मुख्यमंत्री व्हायचं आहे का? असा सवाल केला होता. मात्र त्यांनी प्रश्न टाळत निधी मिळत नाही. आमदारांची भाजपबरोबर जाण्याची इच्छा आहे, ही फाईल उघडली आहे-ती फाईल उघडली आहे वगैरे असं सांगितलं. तेव्हा नाटक केलं, रडगाणं झालं… पण या सगळ्यानंतर २० जूनला व्हायचं होतं ते झालंच.. पण त्यानंतरही तेथील १५ ते २० लोक आपल्या संपर्कात आहेत”

फ्लोअर टेस्ट होईल त्यावेळी विजय हा शिवसेनेचाच होईल

सत्ताधारी पक्षातून विरोधी पक्षात बसण्यासाठी हे देशातील पहिलंच बंड असेल. पण ते विधानसभेत येणार नाही, याची पुरेपूर काळजी आपण घेत आहोत. त्यांना बंड करायचंच होतं तर सांगून करायचं होतं. आकड्यांचा खेळ आता कसाही दिसू देत पण ज्यावेळी फ्लोअर टेस्ट होईल त्यावेळी विजय हा शिवसेनेचाच होईल, असा विश्वास व्यक्त पर्यावरण मंत्री आदित्य ठाकरे यांनी व्यक्त केला.

वर्षा बंगला सोडलाय पण जिद्द नाही

“उद्धव ठाकरे यांनी वर्षा बंगला सोडलाय पण जिद्द नाही. फुटीरांनी पक्ष सोडला आहे किंवा नाही पण शिवसैनिक ठामपणे उद्धव ठाकरे यांच्या पाठीशी आहे. जोपर्यंत शिवसैनिक म्हणून आपण काम करतोय, तोपर्यंत संघर्ष हा करावाच लागणार आहे. आपल्या संघर्षाला यश नक्की मिळेल”, असा आशावाद आदित्य ठाकरे यांनी व्यक्त केला.

तुमची लायकी असती तर…

“आम्हीच शिवसेना, आमचाच गट अधिकृत, धनु्ष्यबाण आमचंच चिन्ह, आम्ही बाळासाहेब ठाकरे शिवसेना…. ही नावं लावण्याची तुमची लायकी असती तर तुम्ही बंड करायला सुरतला पळाला असता…? बंडखोर जर एवढे शूरवीर असते, बाळासाहेब आणि आनंद दिघे यांचे भक्त असते तर त्यांनी समोर येऊन सांगितलं असतं की मला मुख्यमंत्री बनवा. बंड जर करायचंच होतं तर ठाण्यात बसून करायचं होतं, मुंबईत बसून करायचं होतं… महाराष्ट्रात लपून बसायची हिम्मत नाही म्हणून सुरतेत पळाले. सुरतेतून गुवाहाटीला पळाले”, अशा शब्दात आदित्य ठाकरे यांनी बंडखोरांचा समाचार घेतला.