पारोळा :- सध्या महाराष्ट्रात हल्ला केलाच्या घटनांमध्ये दिवसेंदिवस वाढतच आहे अश्यातच पारोळा तालुक्यातील एका गावातील सोसायटीच्या मतदानावरुन पारोळा तालुक्यातील दोन गट एकमेकाला भिडले. या दोन्ही गटांनी चॉपर, दांड्यांची एकमेकांवर हल्ला केला. यात सात ज गंभीर जखमी झाले. रविवार 26 जून रोजी रात्री चोरवड गावातील बसस्थानकाजवळ ही घटना घडली. जखमींवर उपचार सुरू आहेत. या प्रकरणी दोन्ही गटांनी दिलेल्या तक्रारीवरुन पारोळा पोलिस ठाण्यात परस्परविरोधी गुन्हा दाखल करण्यात आला आहे.
मतदानाच्या कारणावरुन वाद
राकेश रमेश पाटील यांनी दिलेल्या तक्रारीवरुन, गावातील विकास सोसायटीच्या मतदानाच्या कारणावरुन किरण जिजाबराव पाटील, दर्शन विकास पाटील, जयवंत मधुकर पाटील, सचिन रवींद्र पाटील, विकास पांडुरंग पाटील, निंबा दिनकर पाटील, समाधान भिमराव पाटील, सुशिल भागवत पाटील व विशाल भागवत पाटील यांच्यासह जमावाने अचानक हल्ला चढवला. लाठ्या-काठ्या, दांडे व चॉपरने वार केले. या हल्ल्यात राकेश पाटील यांच्यासह भुषण निंबा पाटील, विनोद रवींद्र पाटील, नितीन सुभाष पाटील व समाधान धनराज पाटील हे गंभीर जखमी झाले. त्यांच्यावर उपचार सुरू आहेत.
गुन्हा दाखल
तर दुसऱ्या गटातील शैला किरण पाटील यांनी तक्रार दिली आहे. त्यानुसार, त्या पतीसह मुलास रुग्णालयात घेऊन जात होत्या. यावेळी जमावाने त्यांना अडवले. निवडणूकीच्या कारणावरुन रमेश किसन पाटील, भुषण निंबा पाटील, सागर सुनिल पाटील, विनोद रवींद्र पाटील, ज्ञानेश्वर दिलीप पाटील, प्रभाकर साहेबराव पाटील, ज्ञानेश्वर जगदीश पाटील, सुधाकर पुरूषोत्तम पाटील, नितीन सुभाष पाटील, नीलेश अजबराव पाटील यांच्यासह जमावाने लाठ्या-काठ्यांनी हल्ला करुन जीवेठार मारण्याची धमकी दिली. या दोन्ही प्रकरणी गुन्हे दाखल आहेत. सहाय्यक पोलिस निरीक्षक नीलेश गायकवाड पुढील प्रकरणाचा तपास करत आहेत.
हे वाचलंत का ?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
