जळगाव :- सध्या महाराष्ट्रात सर्वत्र जोरदार पाऊस झाला आहे सर्वीकळे नद्या नाल्यांना पुर आले आहेत अश्यातच मित्रांसाेबत पोहोण्यासाठी गेलेल्या 14 वर्षीय बालकाचा पाण्यात बुडून मृत्यू झाला आहे. कुटुंबीयांनी हरवल्याची तक्रार केली होती. मात्र, शनिवारी दुपारी तीन वाजता मृतदेह सापडला आहे. सुमित योगेश न्हावी (वय 14, रा. कुसुंबा, ता. जळगाव) असे मृत मुलाचे नाव आहे. योगेशचे वडील जामनेर तालुक्यातील शेंदूर्णी येथे राहतात. तो शिक्षण घेण्यासाठी कुसुंबा येथे मामाकडे राहत होता.

घटना अशी की, शुक्रवारी दुपारी सुमित काही मित्रांसोबत उजाड कुसुंबा भागात एका खदानीत पोहोण्यासाठी गेला होता. यावेळी गाळात अडकल्यामुळे तो पाण्यात बुडाला. ही घटना पाहुन त्याच्यासोबत असलेले मित्र भांबावले. ते सर्व घरी निघुन आले. कुणीही ही घटना गावात सांगितली नाही. परिणामी सुमितचे कुटुंबीय रात्री उशिरापर्यंत त्याचा शोध घेत राहिले. या प्रकरणी त्याचे मामा अशोक सुभाष सोनवणे यांनी शनिवारी सकाळी एमआयडीसी पोलिस ठाण्यात हरविल्याबाबत तक्रार दिली. त्यानुसार अपहरणाचा गुन्हाही दाखल करण्यात आला.

खदानीजवळ कपडे सापडले

दरम्यान आज दुपारी तीन वाजेच्या सुमारास काही लोकांना खदानीजवळ सुमितचे कपडे आढळुन आले त्यानंतर खळबळ उडाली. सुमित पाण्यात बुडाला असल्याची माहिती समोर आली. यांनतर पोलिस पाटील राधेश्याम चौधरी व मामा अशोक सोनवणे यांनी घटनास्थळी धाव घेतली. पाण्यात शोध घेतला असता सुमीतचा मृतदेह आढळून आला. एमआयडीसी पोलिस ठाण्याचे निरीक्षक प्रताप शिकारे यांनी घटनास्थळा धाव घेऊन काही घातपात आहे का? याची चौकशी करुन पाहणी केली. गफूर तडवी व सिध्देश्वर डापकर यांनी घटनास्थळाचा पंचनामा केल्यानंतर मृतदेह शासकीय वैद्यकीय महाविद्यालय व रुग्णालयात हलवला. या संदर्भात कुटुंबीयांची तक्रार नसल्यामुळे अकस्मात मृत्यूची नोंद करण्यात आली आहे. मृत सुमित हा कुसुंबा गावात आई व लहान भाऊ राज यांच्या सोबत राहत होता. त्याची आई चटई कंपनीत कामाला जाते. या घटनेमुळे कुटुंबीयांना धक्का बसला आहे.

• अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
• एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
• खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
• एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
• ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.