खड्डयाचे जलपुजन व वृक्षारोपण करून उपोषणास प्रारंभ करणार- राजेंद्र वाघ
धरणगाव प्रतिनिधी –
धरणगाव : गेल्या वर्षांपासुन धरणगाव सार्वजनिक बांधकाम विभागाने उड्डाण पुलापासून ते धरणी नाला पुलापर्यंत, शहरातील प्रमुख रस्त्याचे उद्घाटन होऊन काँक्रिटीकरणाचे व डिव्हाईडरची कामे सुरू करण्यात आली होती. मात्र सुरू असलेली कामे अर्धात थांबवून कामे बंद करण्यात आली व जे रस्ते तयार केलेत, त्या रस्त्यावरही मोठमोठे खड्डे पडले आहेत.
यामुळे आजतागायत रस्त्यांचे कामे करण्यास धरणगाव बांधकाम उपविभाग असमर्थ ठरल्यामुळे माहिती अधिकार कार्यकर्ता महासंघाचे विभागीय जिल्हाध्यक्ष राजेंद्र वाघ व संघटनांच्या वतीने दि.२३ जुलै, २०२२ शनिवार पासून उपोषणास बसणार आहेत.
दि. २३ जुलै रोजी शहरातील गूड शेफर्ड इंग्लिश स्कूल, उड्डाण पूल, छत्रपती शिवाजी महाराज स्मारक, बस स्थानक, व्हाईट हाऊस, मटन मार्केट, पारोळा नाका, पाटील वखार, भूमी गार्डन जवळील ( पाटाच्या पुलाजवळ ) रस्त्यात पडलेल्या खड्ड्यामधील पाण्याचे जलपुजन करून वृक्ष लावून आंदोलन करण्यात येणार आहे.
तद्नंतर छत्रपती शिवाजी महाराजांच्या स्मारक जवळ उपोषणास बसणार आहे. गेल्या वर्षभरापूर्वी शहरातील प्रमुख रस्त्याचे उद्घाटन करून कामे सुरू करण्यात आली होती. मात्र सुरू असलेली कामे अर्ध्यात थांबवून कामे बंद करण्यात आली ती आजतागायत रस्त्यांचे व डिव्हाईडर ची कामे पूर्ण करण्यात आली नाही.
सदर रस्त्याच्या व डिव्हाईडर चे कामासंदर्भात विचारणाबाबत मा. सार्वजनिक बांधकाम विभाग अभियंता सो, यांच्या कार्यालयात गेल्या आठ दिवसांपासून आम्ही निरंतर भेट घेण्याचा प्रयत्न केला परंतु, मा.अभियंता सो, मिळून आले नाहीत. यामुळे धरणगावातील सामाजिक कार्यकर्ते राजेंद्र वाघ व सामाजिक संघटना यांनी उपोषणाचा मार्ग अवलंबविला आहे.
आपण या बातम्या वाचल्यात का?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
