अण्णाभाऊ साठेच्या कवितांनी जिंकली रसिकांची मने…

पाळधी ( धरणगाव ) : – भाऊसाहेब गुलाबरावजी पाटील इंग्लिश मीडियम स्कूल पाळधी येथे आज दिनांक 01 ऑगस्ट 2022 रोजी अण्णाभाऊ साठे यांच्या जयंतीनिमित्त अण्णाभाऊ साठेंच्या कवितांचा,प्रकट वाचनाचा कार्यक्रम घेण्यात आला.

कार्यक्रमाचे विशेष म्हणजे आजचा कार्यक्रम हा भाऊसाहेब गुलाबरावजी पाटील इंग्लिश मीडियम स्कूल येथील सर्व शिक्षकांनी विद्यार्थ्यांसाठी सादर केला.
माझी मैना गावाकडे राहिली माझ्या जीवाची होते या कायली या छक्कड ने सुरुवात करत प्रीती मॅडम यांनी रसिकांची मने जिंकली, जग बदल घालुनी घाव सांगून गेले मज भीमराव, राकेश धनगर सरांनी सादर केलेल्या या कवितेने अण्णाभाऊंचा विद्रोह जागा झाला. अनिता पाटील मॅडम यांनी दीड दिवस तो शाळेत गेला या कवितेच्या माध्यमातून अण्णाभाऊंचे जीवन प्रवास उलगडला. दिपश्री कुलकर्णी यांनी गेय कविता सादर करून सर्वांना मंत्रमुग्ध केले.

अण्णाभाऊ साठे यांच्या जयंती सोबतच लोकमान्य बाल गंगाधर टिळक यांच्या पुण्यतिथी निमित्त त्यांनाही विनम्र अभिवादन करण्यात आलं. सोनी झवर,आरती पाटील, सोनाली पाटील, रोशनी मॅम, भागवता सोनवणे, वृषाली पाटील,जयश्री चौधरी, योगेश्वर शिंदे यांनी या दोन्ही महापुरुषांच्या जीवनावर आपल्या वकृत्वातून प्रकाश टाकला.

शाळेतील सर्व शिक्षकांनी आपल्या विद्यार्थ्यांसाठी सुरेखा सादरीकरण केले.

शोषितांचा, दुःखी पीडिताचा करारी बाणा म्हणजे अण्णाभाऊ साठे, आणि स्वराज्य हा माझा जन्मसिद्ध अधिकार आहे आणि तो मी मिळवणारच असे सिंहगर्जना करणारे शिक्षक,थोर समाज सुधारक म्हणजे लोकमान्य बाळ गंगाधर टिळक या दोन्ही महात्म्यांच्या चरणावर नतमस्तक होऊन शिक्षकांनी विद्यार्थ्यांसाठी सादर केलेला हा अनोखा कार्यक्रम कानांचे,मनाचे आणि डोळ्याचे पारणे फेडणारा ठरला

हे वाचलंत का ?

• अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
• एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
• खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
• एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
• ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.