धरणगाव प्रतिनिधी –
धरणगाव : – तालुक्यातील पिंप्री खुर्द येथील महिलेचा चिंचपुरा गावाजवळील एका विहिरीत कुजलेला अवस्थेत मृतदेह आढळून आल्यामुळे खळबळ उडाली आहे. दरम्यान, महिलेची आत्महत्या की, खून याबाबत गावात तर्क – वितर्क सुरू आहे. यासंदर्भात अधिक असे की, आज येथून जवळच असलेल्या चिंचपुरा गावाच्या अलीकडील शेतातील विहिरीत अनिल भिलाला यांच्या पत्नीचा कुजलेला अवस्थेत मृतदेह दि.२८ ऑगस्ट, रविवारी दुपारी १२ वाजेच्या सुमारास आढळून आला.
संबंधित महिला मागील दोन – तीन दिवसापासून बेपत्ता होती, अशी माहिती समोर येत आहे. ही महिला पावरा समाजातील असून तीचा पती आणि ती पिंप्री येथे गेल्या अनेक दिवसांपासून वास्तव्यास होते. आज दुपारी १२ वाजेच्या सुमारास महिलेचा मृतदेह तरंगतांना काही लोकांना दिसला. त्यानंतर गावात वाऱ्यासारखी बातमी पसरली.
सदर महिलेचे माहेर बुऱ्हाणपूर (मध्यप्रदेश) येथील असल्याचे कळते. सदर घटनेची माहिती पिंप्री व चिंचपुरा येथील पोलिस पाटील व सरपंचांनी धरणगाव पोलिसात दिली. माहिती मिळताच धरणगाव पोलीस घटनास्थळी पोहचले असून मृतदेह विहिरीतून काढण्याचे काम सुरु होते. मृत महिलेचे नातेवाईक बुऱ्हानपूर येथून येणार असल्याचे कळते. मयत महिलेचे नाव अद्याप समजू शकलेले नाही. दरम्यान, ही दुर्घटना विहिरीत हत्या की आत्महत्या ?, हे पोलीस तपासातच समोर येणार आहे.
हे वाचलंत का ?
- Viral Video: दोन दरोडेखोर पिस्तुलाचा धाक दाखवून दागिने लुटणार इतक्यात दुकानदार व कर्मचाऱ्यांनी अस केलं की चोरांचा डाव उलटवला.
- पोलखोल! बनावट एडिशनल एसपी बनून आली पोलीस ठाण्यात पोलिसांनी केलं सॅल्यूट;पण एक छोटीशी चूक होताच पोलिसांनी केला महिलेचा पर्दाफाश.
- एरंडोल येथे संविधान दिवस उत्साहात संपन्न; “घर घर संविधान” चळवळ यशस्वी करण्याचा संकल्प
- धक्कादायक! आईने घरातील पत्र्याला घेतला गळफास,तर दोन चिमुकली आढळली पाण्याच्या बॅरेलमध्ये,कारण अस्पष्ट.
- आजचे राशी भविष्य गुरूवार दि. २८ नोहेंबर २०२४
