भुसावळ तालुक्यातील साकेगाव येथे पाणीपुरवठा योजनेचा भूमिपूजन सोहळा पार पडला. यावेळी अनेक दिवसानंतर पहिल्यांदाच गुलाबराव पाटील व भाजपचे मंत्री गिरीश महाजन एकाच व्यासपीठावर उपस्थित असल्याचे पाहायला मिळालं. यावेळी मंत्री गुलाबराव पाटील भाषणात म्हणाले की, मोदींनी मला सांगितलं की गुलाब महाराष्ट्रात सर्वांना पाणी पाज, त्या पद्धतीने मी राज्यात काम करतो आहे. त्यामुळे माझ्यावर टीका सुद्धा झाली.
भुसावळ :- सध्या महाराष्ट्रात राजकीय वातावरण चांगलेच तापले आहे अश्यातच गेल्या काळात मंत्री असताना पक्ष पाहिला नाही. मोदींनी (PM Modi) सांगितलं गुलाब, महाराष्ट्रात सर्वांना पाणी पाज. त्यानुसारच मोदी सरकारची हर घर जल और हर घर नल ही योजना राबवून मोदींचं स्वप्नपूर्ती करत असल्याचेही वक्तव्य मंत्री गुलाबराव पाटील (GUlabrao Patil) यांनी केलं. महाविकास आघाडी सरकारमध्ये असताना नरेंद्र मोदींवर टीका करणाऱ्या गुलाबराव पाटील शिंदे गटात सहभागी झाल्यानंतर आता भाषणात मोदी मोदी करत असल्याच पाहून अनेकांच्या भुवया उंचावल्या होत्या. (minister gulabrao patil said that i am giving water to everyone as per pm modis orders)
भुसावळ तालुक्यातील साकेगाव येथे पाणीपुरवठा योजनेचा भूमिपूजन सोहळा पार पडला. यावेळी अनेक दिवसानंतर पहिल्यांदाच गुलाबराव पाटील व भाजपचे मंत्री गिरीश महाजन एकाच व्यासपीठावर उपस्थित असल्याचे पाहायला मिळालं. यावेळी मंत्री गुलाबराव पाटील भाषणात म्हणाले की, मोदींनी मला सांगितलं की गुलाब महाराष्ट्रात सर्वांना पाणी पाज, त्या पद्धतीने मी राज्यात काम करतो आहे. त्यामुळे माझ्यावर टीका सुद्धा झाली.
‘आपल काम म्हणजे…मुंजोबा, पिरोबा सारखी भूमिका’
लोकांनी निवडून दिलेले पद हे आमदाराचे पद असते, त्यामुळे पक्षीय मतभेद असले तरी लोकांनी ते सर्वमान्य केलेले असल्यामुळे काम करण्याची जबाबदारी असते व तेच मी करतोय. आमचं ७५ टक्के आयुष्य हे विरोधात गेलय. मात्र मुंजोबा, पिरोबा सारखी भूमिका देवानं आपल्याला दिलीय. देवाकडे जातात त्या पद्धतीने लोक आपल्याकडेही येतात. हे भाग्य आपल्याला लाभले असल्याचेही यावेळी मंत्रि पाटील म्हणाले.
आपल्या दारी येणाऱ्या प्रत्येकाचं काम करण्याचे भाग्य आपल्याला देवाने दिले असल्यामुळे आपण लोकशाहीतले देव असल्याचेही यावेळी मंत्री गुलाबराव पाटील म्हणाले.
‘मोठ्याप्रमाणावर निधी देवूनही कामे होत नाही, लोक आम्हाला खड्डे दाखवतात’
मोठ्या प्रमाणावर निधी मिळवून दिल्यानंतरही काम होत नाहीये. जेव्हा जळगाव शहरातून जातो आणि खड्ड्यात गाडी जाते तेव्हा लोक आमच्याकडे बोट दाखवून म्हणतात, पाहा हे खड्डे पहा, अशी शोकांतिका खुद्द जळगाव जिल्ह्यातील मंत्री पाटील यांनी व्यक्त केली. लोकांकडून टॅक्स घेतात, मोठ्या प्रमाणावर निधी मिळवून देऊनही कामे केली जात नाहीत, असं म्हणत मंत्री गुलाबराव पाटील यांनी जळगाव महापालिकेच्या कारभारावर टीका केल्याचा पहायला मिळालं. तसेच लोक जेव्हा जळगाव शहरातल्या खड्डय्याबद्दल बोलून दाखवतात तेव्हा आम्हाला आमची लाज वाटते अशी खंत यावेळी मंत्री गुलाबराव पाटील यांनी व्यक्त केली.
हे वाचलंत का ?
- Viral Video:एका कारचालकास रुग्णवाहिकेला रस्ता न देणे पडले महागात, पोलिसांनी शिकवला धडा, लायसन्स केलं रद्द अन् केला लाखो रुपये दंड.
- आक्षेपार्ह पोस्टमुळे धरणगावात तणावपूर्ण बंद; भाजप व शिवेसेनेतर्फे पोलीस निरीक्षकांना निवेदन
- पतीच्या उपचारादरम्यान हृदयविकाराच्या झटक्याने मृत्यूनंतर तीन तासांत पत्नीने संपवली जीवन यात्रा; दोघांचे एकाच चितेवर अंत्यसंस्कार
- सोशल मिडीयावर माळी समाजावरील आक्षेपार्ह मजकुराच्या निषेधार्थ एरंडोल बंद; माजी पालकमंत्री डॉ.सतीश पाटील यांच्या पुतळ्याचे दहन.
- आजचे राशी भविष्य गुरूवार दि.२१ नोहेंबर २०२४
