“घाबरू नको, जीव वाचला हे महत्त्वाचं. गाडी आपण नवी घेऊ” अशी समजूतही शिंदेंनी काढली आहे., चालकाला रडू कोसळलं!
मुख्यमंत्री एकनाथ शिंदे औरंगाबादवरुन परतत होते. काल संध्याकाळीच तिथे त्यांची सभा झाली. त्यानंतर ते मुंबईकडे येत असताना विलेपार्ले परिसरात एका गाडीने पेट घेतला होता. शेजारीच ज्याची गाडी आहे तो तरुण उभा होता. त्याला पाहून मुख्यमंत्री शिंदेंनी आपला ताफा थांबवला आणि त्याची विचारपूस केली. मुख्यमंत्र्यांचे आश्वासक शब्द ऐकताच या तरुणाला रडूच कोसळलं. हा व्हिडीओ सध्या सोशल मीडियावर व्हायरल होत आहे.
शिंदे गटाच्या समर्थक शीतल म्हात्रे यांनी आपल्या ट्वीटरवरुन हा व्हिडीओ शेअऱ केला आहे. या व्हिडीओमध्ये मुख्यमंत्री एकनाथ शिंदे एका तरुणाची विचारपूस करताना दिसत आहे. शिंदेंनी तरुणाला नाव विचारलं, त्यानंतर “घाबरू नको, जीव वाचला हे महत्त्वाचं आहे. गाडी आपण नवी घेऊ”, असं म्हणत त्यांनी त्याची समजूतही काढली. हे ऐकताच या तरुणाला रडू कोसळल्याचंही या व्हिडीओमध्ये दिसत आहे. त्यानंतर शिंदेंनी पोलिसांशी चर्चा केली, त्याच्यासोबत कोण आहे का वगैरे चौकशी केली. त्यानंतर पुन्हा त्या तरुणाला “गाडीजवळ जाऊ नकोस बाळा”, असं सांगितलं.
पहा व्हिडिओ :
ही घटना रात्री साडेबाराच्या सुमारास घडल्याचं म्हात्रे यांनी आपल्या ट्वीटमध्ये म्हटलं आहे. पश्चिम द्रुतगती महामार्गावर विलेपार्ले परिसरात एका तरुणाच्या गाडीला अचानक आग लागली. औरंगाबादहून मुंबईला येताना विमानतळावरुन घरी जाताना भर पावसात खाली उतरुन मुख्यमंत्र्यांनी संबंधित यंत्रणेला या तरुणाला मदत करण्याचे आदेश दिलेत. हे आहेत आपले मुख्यमंत्री, असं ट्वीट शिंदे गटाच्या समर्थक नेत्या शीतल म्हात्रे यांनी केलं आहे.
हे वाचलंत का ?
- एरंडोल बसस्थानकावर सर्वत्र घाणीचे साम्राज्य; आगार व्यवस्थापकांचे बस स्थानकाच्या स्वच्छतेकडे पूर्णपणे दुर्लक्ष.
- पाऊले चालती पंढरीची वाट-चांदसर पायीदिंडीचे एरंडोलला स्वागत स्व. जयवीरबापू पाटील स्मृतीप्रित्यर्थ -गटसचिव संघटना 18 वर्षांपासून करीत आहे अन्नदान.
- “पैसेही गेले आणि बायकोही गेली पुन्हा मी एकटाच”… तीन लाख देऊन आणलेली बायको निघाली एका मुलीची आई; दोन दिवसांत टोळीचा भांडाफोड.
- मेट्रो स्टेशनखाली वडिलांजवळ झोपलेल्या अडीच वर्षांच्या चिमुकल्या मुलीवर बलात्कार करणाऱ्या नराधम आरोपीचा एन्काउंटर .VIDEO
- तरुणाचे एकीशी प्रेमसंबंध, तिचं दुसऱ्याशी लग्न ठरलं, तरुण गेला जाब विचारण्यास , तेथे झाला वाद पळून घरी येताना तरूणाचा खून करून तो अपघात असल्याचा केला बनाव.
