अमळनेर :- अमळनेर येथील कामानिमित्त बाहेरगावी गेलेल्या दोन युवकांचा दुर्दैवी मृत्यू झाल्याची घटना समोर आली आहेे. सतरा मजली इमारतीची लिफ्टची दुरुस्ती सुरू असतांना शिडी सरकली. यामुळे १६ व्या माळयावरून खाली पडून दोन जणांचा मृत्यू झाला. हे दोघे जण शिरूड ता.अमळनेर येथील रहिवासी होते. ही घटना शुक्रवारी सकाळी १०.३० वाजता सूरत येथील पांडेसरा भागात घडली.
नीलेश प्रल्हाद पाटील (२८) व आकाश सुनिल बोरसे (२२) अशी या तरुणांची नावे आहेत. सुरत येथील पांडेसरा भागात प्लॅटिनियम प्लाझा या सतरा मजली इमारतीचे बांधकाम सुरु होते. त्यासाठी नीलेश व आकाश हे दोघे जण लिफ्ट बसविण्याचे काम करीत होते. शिडीवर उभे राहून दोघे जण काम करीत होते. यामुळे शिडी अचानक सरकली.
त्यात त्यांचा दोघांचा तोल जाऊन ते १६ व्या मजल्यावरुन खाली पडले. आणि त्यातच त्यांचा मृत्यू झाला. दरम्यान, दोन्ही जण हे नुकतेच गणेशोत्सव साजरा करून मजुरीसाठी सुरत येथे गेले होते. दोघांच्या मृत्यूने गावावर शोककळा पसरली आहे. आकाश याच्या पश्चात आई, वडील, भाऊ तर निलेश याच्या पश्चात वडील व भाऊ असा परिवार आहे.
हे वाचलंत का ?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
