मुबई (गुरुदत्त वाकदेकर) : जोस बटलरच्या नेतृत्वाखाली, माजी विश्वविजेत्या इंग्लंडने शनिवारी अफगाणिस्तानविरुद्ध आपल्या मोहिमेची सुरुवात केली. पर्थ स्टेडियमवर बटलरने नाणेफेक जिंकून अफगाणिस्तानला प्रथम फलंदाजीसाठी आमंत्रित केले.
अफगाणिस्तानविरुद्ध उत्साही गोलंदाजीचे प्रदर्शन करताना, इंग्लंडच्या स्टार गोलंदाज सॅम कुरनने २० षटकांच्या लढतीत मोहम्मद नबीच्या नेतृत्वाखालील अफगाणिस्तान संघाला ११२ धावांत गुंडाळले. खेळाच्या सर्वात लहान फॉरमॅटमध्ये वेगवान गोलंदाज सॅम कुरन पाच विकेट घेणारा हा इंग्लंडचा पहिलाच गोलंदाज ठरला.
२० षटकांच्या लढतीत ११३ धावांच्या क्षुल्लक लक्ष्याचा पाठलाग करताना, लियाम लिव्हिंगस्टोनने २१ चेंडूत २९ धावा करून नाबाद राहिल्याने इंग्लंडने अफगाणिस्तानवर ५ गडी राखून सहज विजय मिळवला. सॅम कुरनला (५/१०) केवळ ३.४ षटकांत मिळविल्या बद्दल सामनावीर पुरस्काराने गौरविण्यात आले.
