जळगाव :- सध्या महाराष्ट्रात अवैध रीत्या हत्यार तस्करीचे प्रमाण वाढतच चालली आहे अश्यातच जळगाव जिल्ह्यात इतर जिल्ह्यातून येत गावठी कट्टे विक्री करणाऱ्यांचे प्रमाण दिवसेंदिवस वाढतच आहे. रविवारी एलसीबीचे निरीक्षक किसनराव नजन पाटील यांना मिळालेल्या माहितीवरून चोपडा येथे सापळा रचून पथकाने दोघांच्या मुसक्या आवळल्या आहेत. अहमदनगर जिल्ह्यातील दोघांकडून चार गावठी पिस्तूलसह दहा जिवंत काडतूस हस्तगत करण्यात आले आहे. पदभार स्वीकारल्यानंतर किसनराव नजन पाटील यांची ही मोठी कारवाई मानली जात आहे.

जळगाव स्थानिक गुन्हे शाखेचे वरीष्ठ पोलिस निरीक्षक किसनराव नजनपाटील यांना काही संशयीत चोपडा येथे गावठी कट्टा खरेदीसाठी येणार असल्याची माहिती मिळाल्यानंतर त्यांनी कारवाईचे आदेश दिले होते. पथकाने रविवार, 13 नोव्हेंबर रोजी रात्री बारा वाजेच्या सुमारास शिवाजी चौकात सापळा रचला. संशयीत कार आल्यानंतर तिची झडती घेतल्यानंतर त्यातून चार गावठी पिस्टल व 10 जिवंत काडतूस जप्त करण्यात आले. पथकाने राजेंद्र ऊर्फ पप्पू भिमा चव्हाण (32, रा. खंडाळा, ता.श्रीरामपूर, जि.अहमदनगर), गणेश ज्ञानेश्वर सातपुते (23, रा.शिरसगाव, ता.श्रीरामपूर, जि.अहमदनगर) यांना अटक करण्यात आली तर अंधाराचा फायदा घेत बबन उर्फ रोहित जाधव (रा.शिरसगाव, ता.श्रीरामपूर, जि.अहमदनर) पसार झाला.

या संदर्भात स्थानिक गुन्हे शाखेचे दीपककुमार शिंदे यांच्या फिर्यादीवरून चोपडा शहर पोलिसात भारतीय हत्यार कायदा कलम 3/25सह भादवि कलम 34 प्रमाणे गुन्हा दाखल करण्यात आला. दरम्यान, गुन्हा दाखल झालेल्या तिघांविरोधात श्रीरामपुर तालुक्यात अनेक गंभीर स्वरूपाचे गुन्हे दाखल असल्याची माहिती आहे.

यांनी केली कारवाई साठी प्रयत्न :

हे वाचलंत का ?

• युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
• पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
• एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
• अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
• एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर