प्रतिनिधी ।एरंडोल
एरंडोल :- येथे सालाबाद प्रमाणे यावर्षी सुद्धा आठवडे बाजार परिसरातील शिवाजी महाराज शॉपिंग कॉम्प्लेक्स येथे आझाद हिंद सेनेचे सरसेनापती नेताजी सुभाषचंद्र बोस यांची जयंती साजरी करण्यात आली.नेताजी सुभाष चंद्र बोस यांच्या प्रतिमेचे पूजन भाजपा ओबीसी सेलचे माजी जिल्हाध्यक्ष अशोक चौधरी व शिवसेनेचे तालुका प्रमुख वासुदेव पाटील यांच्या हस्ते करण्यात आले.
यावेळी अशोक चौधरी यांनी नेताजींच्या जीवन कार्याविषयी मार्गदर्शन केले. तुम मुझे खून दो मैं तुम्हे आजादी दूंगा असे युवकांना प्रेरणा देणारे वाक्य युवा पिढी आजही विसरणार नाही त्यांनी भारताला स्वातंत्र्य मिळवण्यासाठी इंग्रजांविरुद्ध लढा दिला व आजाद हिंद सेनेची स्थापना केली सविस्तर माहिती त्यांनी यावेळी विशद केली.
यावेळी शिवसेनेचे तालुका प्रमुख वासुदेव पाटील,प्रकाश महाले, राजेंद्र चौधरी, रमेश सोनार, आबा गांगुर्डे, पवन चौरसिया, निलेश जगताप, छगन कासार, गुड्डू परदेशी, सदाशिव पाटील, दीपक गुजराती, दिपक सोनार, संकेत लोहार, दिनेश पर्देशी, रवींद्र चव्हाण, शिवदास पाटील, लोकेश महाले, साजिद शेख रहीस, श्रीकांत महाजन यांचेसह व्यापारी संकुलातील सर्व दुकानदार यावेळी उपस्थित होते.
