जळगाव : – सध्या महाराष्ट्रात अपघातच्या घटनांमध्ये दिवसेंदिवस वाढ होत आहे अश्यातच जळगाव जिल्ह्यातील पारोळा येथे गॅसच्या भरधाव कंटेनरने धडक दिल्याने गाडीतून प्रवास करणारे दोघे जण ठार झाले, तर एक जण जखमी झाला आहे. ही घटना सोमवारी सकाळी ७ वाजताच्या सुमारास घडली. जळगाव जिल्ह्यात पारोळा तालुक्यातील विचखेडा गावाजवळ हा भीषण अपघात झाला. मयतामध्ये पारोळा नगरपालिकेचे अभियंता कुणाल देविदास सौपुरे (वय ३३ वर्ष, रा. गोंधळवाडा, पारोळा ) आणि डॉ. निलेश भीमराव मंगळे (वय ३४ वर्ष रा. डी. डी. नगर, पारोळा) यांचा समावेश आहे. तर संदीप आनंदा पवार (वय ३५ वर्ष, रा, राणी लक्ष्मीबाई नगर, पारोळा) हे जखमी झाले आहेत.
पारोळा शहरातील कुणाल सौपुरे, डॉ. निलेश मंगळे व संदीप पवार हे तिघेही मित्र आहेत. शनिवार, रविवार सुट्टी असल्याने कुणाल सौपुरे यांच्यासह त्यांचे दोघेही मित्र एम.एच.४३ ए.एल.४१७५ या क्रमांकाच्या कारने मुंबई येथे गेले होते. परतीचा प्रवास करत असताना पारोळ्यापासून काही अंतरावर विचखेडा गावाजवळ त्यांच्या कारला भरधाव असलेल्या एम एच ३१ एफसी 4393 या क्रमांकाच्या गॅस कंटेनरने जोरदार धडक दिली. या धडकेत कार चालक कुणाल सौपूरे व त्यांच्या शेजारी बसलेले डॉ निलेश मंगळे यांचा कारमध्ये दबल्या जाऊन जागेच मृत्यू झाला तर कारमध्ये मागच्या सीटवर बसलेले संदीप पवार हे जखमी झाले आहेत. अपघातानंतर कंटेनर रस्ता लागत उभा करून चालक पसार झाला होता.
घटनेची माहिती मिळाल्यावर पारोळा शहरातील सुनील वसंत बारी मोतीलाल सुका बारी, महेंद्र छगन बारी, ज्ञानेश्वर त्रंबक बारी, सुरेश प्रकाश बारी यांनी घटनास्थळाकडे धाव घेतली. रुग्णवाहिकेने तिघांना पारोळा शहरातील कुटिर रुग्णालयात दाखल करण्यात आले. या ठिकाणी वैद्यकीय अधिकाऱ्यांनी कुणाल सौपुरे व डॉक्टर निलेश मंगळे या दोघांना मयत घोषित केले. तर संदीप पवार यांच्यावर उपचार सुरू आहे. या अपघात प्रकरणी सुनील वसंत बारी यांच्या फिर्यादीवरून कंटेनर चालकविरुद्ध पारोळा पोलीस ठाण्यात गुन्हा दाखल करण्यात आला आहे.
एकाच घटनेत दोन मित्रांचा मृत्यू झाल्याच्या या घटनेने हळहळ
कुणाल सौपूरे यांच्या पश्चात आई, भाऊ, पत्नी, व दोन वर्षाची लहान मुलगी आहे. ते पारोळा नगरपालिकेत अभियंता होते. त्यांचा सर्वांशी मनमिळाऊ स्वभाव होता. डॉ निलेश मंगळे हे उत्तराखंड येथे एम एस ऑर्थो स्पेशलिस्ट डॉक्टर म्हणून कार्यरत होते. त्यांच्या पश्चात आई, वडील, दोन भावंडे, पत्नी व दोन महिन्याची जुळी मुलं आहेत. एकाच घटनेत दोन मित्रांचा मृत्यू झाल्याच्या या घटनेने पारोळा तालुक्यात हळहळ व्यक्त केली जात आहे.
हे वाचलंत का ?
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
