जळगाव : – सध्या महाराष्ट्रात अपघातच्या घटनांमध्ये दिवसेंदिवस वाढ होत आहे अश्यातच जळगाव जिल्ह्यात एक भिषण अपघात झाला आहे लहान मुलीला भेटण्यासाठी मोठ्या मुलीला सोबत घेऊन निघालेल्या दुचाकीस्वार बापाला भरधाव ट्रकने चिरडलं आहे. ही घटना जळगाव तालुक्यातील रामदेववाडी गावाजवळ आज ३१ डिसेंबर रोजी दुपारी साडेबारा वाजताच्या सुमारास घडली. राजू दीपक कोळी (वय-४५, रा. चारठाणा, ता. मुक्ताईनगर) असं मृत व्यक्तीचं नाव आहे. डोळ्यांदेखत बापाचा मृत्यू झाल्याने मोठ्या मुलीने काळीज पिळटवून टाकणारा आक्रोश केला.
नातेवाईकांनी दिलेली माहिती अशी की, मुक्ताईनगर तालुक्यातील चारठाणा येथे राजू कोळी हे कुटुंबासह वास्तव्याला होते. शेतीकाम करून आपला उदरनिर्वाह करत होते. भडगाव येथील लहान मुलीला भेटण्यासाठी राजू कोळी हे शनिवारी दुचाकीने जळगावहून निघाले. जळगाव-पाचोरा रस्त्यावर जात असताना दुपारी साडेबारा वाजेच्या सुमारास रामदेववाडीजवळ त्यांच्या दुचाकीला समोरून भरधाव वेगाने येणाऱ्या वाहनाने जोरदार धडक दिली. या अपघातात दुचाकीस्वार राजू कोळी यांच्या डोक्यावरून ट्रकचे चाक गेल्यामुळे त्यांचा जागीच मृत्यू झाला, तर मागे बसलेली मोठी मुलगी सोनी कोळी ही गंभीर जखमी झाली. तिच्या पायाला दुखापत झाली आहे.
अपघातानंतर घटनास्थळी ग्रामस्थांची मोठी गर्दी झाली होती. घटनेची माहिती मिळाल्यावर एमआयडीसी पोलीस ठाण्यातील पोलीस कर्मचारी स्वप्निल पाटील, हेमंत पाटील यांनी घटनास्थळी धाव घेवून ग्रामस्थांच्या मदतीने मृतदेह रुग्णवाहिकेतून जिल्हा रूग्णालयात हलवला. तसंच जखमी मुलीला खासगी रूग्णालयात उपचारार्थ दाखल करण्यात आलं आहे.
दरम्यान, शासकीय वैद्यकीय महाविद्यालयात नातेवाईकांच्या अश्रूंचा बांध फुटला. या अपघातप्रकरणी एमआयडीसी पोलिसात अकस्मात मृत्यूची नोंद करण्यात आली आहे. या दुर्दैवी घटनेमुळे राजू कोळी यांची आणि त्यांच्या लहान मुलीची भेट कायमचीच अधुरी राहिली आहे.
हे वाचलंत का ?
- अटकेची कारवाई टाळण्यासाठी 15 हजारांची लाच स्वीकारताना पारोळा पोलीस ठाण्यातील हवालदारास एसीबीने रंगेहाथ पकडले तर दुसरा फरार.
- जळगावात कमरेला गावठी पिस्तूल लावून दहशत माजविणाऱ्या तीन जणांवर पोलीसांची कारवाई.३ गावठी पिस्तूलासह ३ जिवंत काडतुस जप्त.
- दोघांचं एकमेकांवर प्रेम, घरच्यांनी लग्नाला दिली संमती लग्नाच्या एक रात्री आधी वर शिरला वधूच्या खोलीत, आणि………
- आजचे राशी भविष्य बुधवार दि. २७ नोहेंबर २०२४
- भरधाव वेगाने जाणा-या कारने रस्ता ओलांडत असलेल्या व्यक्तीस जोरदार धडक; उपचारादरम्यान मृत्यू.
