पाचोरा : – सध्या महाराष्ट्रात रोज नवीन नवीन घटना समोर घडत आहेत अश्यातच जळगावातील पाचोरा शहरात एक अत्यंत हृदयद्रावक घटना घडली आहे. येथे एका पुतण्याच्या मृत्यूची बातमीने त्याच्या काकूला इतका शॉक लागला की त्यात तिचा मृत्यू झाला. त्यामुळे एकाच दिवशी घरातून दोन अंतयात्रा निघाल्याने शहरात खळबळ माजली आहे. पाचोरा शहरातील हनुमान नगर भागातील एका २७ वर्षीय तरुणाचा धावत्या रेल्वेचा धक्का लागून अपघाती मृत्यू झाल्याची दुर्दैवी घटना बुधवारी घडली. तरुणाच्या मृत्यूचा त्याच्या काकूला मोठा धक्का बसला. आक्रोश करत असताना काकूला तीव्र हृदयविकाराचा झटका आला. त्यांना रुग्णालयात हलवत असताना काकूनेही प्राण सोडले. किरण मोरे (वय – २७) असे मयत तरुणाचे तर उषाबाई मन्नु सोनार (वय – ४०) असे तरुणाच्या मयत काकूचे नाव आहे. शहरात एकाच दिवशी पुतण्या आणि काकूची एकत्र अंत्ययात्रा निघाल्याने मोठी हळहळ व्यक्त केली जात आहे.
पाचोरा शहरातील हनुमान नगर भागातील रहिवाशी दादाभाऊ मोरे आणि त्यांच्या दोन्ही भावांचे कुटुंब एकाच ठिकाणी वास्तव्यास आहे. ११ जानेवारी रोजी दादाभाऊ मोरे हे यांचे काकाच्या उत्तरकार्यासाठी वरखेडी तालुका पाचोरा येथे गेले होते. उत्तरकार्य आटोपून आल्यानंतर त्यांचा लहान मुलगा किरण मोरे हा कामानिमित्त शहरातील दुसर्‍या भागाकडे जात असताना पाचोरा ते गाळण रेल्वे स्थानका दरम्यान रेल्वे लाईन क्रॉस करत असताना मुंबईहुन जळगावच्या दिशेने जाणाऱ्या भरधाव रेल्वेचा धक्का लागल्याने किरण सोनार यांचा जागीच मृत्यू झाला.
घटनेची माहिती मिळताच पाचोरा पोलीस स्टेशनचे पोलीस उपनिरीक्षक राहुल मोरे, पोलीस कॉन्स्टेबल नरेंद्र नरवाडे यांनी घटनास्थळाचा पंचनामा करुन किरण सोनार यांचा मृतदेह रुग्णवाहिका चालक अमोल पाटील यांच्या मदतीने पाचोरा ग्रामीण रुग्णालयात दाखल करण्यात आला. घटनेप्रकरणी पाचोरा पोलिसात अकस्मात मृत्यूची नोंद करण्यात आली आहे. घटनेचा पुढील तपास पोलीस निरीक्षक प्रताप इंगळे यांच्या मार्गदर्शनाखाली पोलीस कॉन्स्टेबल सचिन निकम हे करत आहे.
एकाचवेळी निघाली दोघांची अंत्ययात्रा, रहिवासी सुन्न
किरणच्या मृत्युची बातमी त्याच्या कुटुंबीयांना कळताच सर्वांनी एकच आक्रोश केला. आक्रोश करत असताना किरणची काकु उषाबाई मन्नु सोनार यांना तीव्र ह्रदयविकाराचा झटका आला. त्यांना शहरातील खाजगी रूग्णालयात उपचारासाठी नेण्यात आले. यानंतर पुढील उपचारासाठी जळगावला हलवत असतांना वाटेतच उषाबाई यांची प्राणज्योत मालवली.
एकाच दिवशी या दोन घटनांमुळे हनुमान नगर परिसरातील नागरिक सुन्न झाले असून रात्रभर येथील रहिवासी नागरिक जागेच होते. आज गुरुवारी सकाळी १० वाजता काकू आणि पुतण्या अशा दोघांची एकाच ट्रॅक्टरवर अंतयात्रा काढण्यात आली.
किरण हा घरातील कर्ता मुलगा होता. तो पाचोरा शहरातील तारखेडा रस्त्यावर चहा, नाष्त्याचे दुकान चालवत होता. त्याने एक दिवसापुर्वीच रिक्षा विकत घेतली होती. त्याच्या पश्चात आजी, आई, वडील, भाऊ, बहिण असा मोठा परिवार आहे. तर किरणची काकु उषाबाई ही सुध्दा त्यांच्या घरातील कर्ती महिला होती. त्या शहरातील एका रुग्णालयात काम करून आपल्या कुटुंबाचा उदरनिर्वाह चालवत होत्या. पतीचे एका अपघातात पायाचे ऑपरेशनही त्यांनी केले होते. त्यांच्या पश्चात पती, दोन मुली आणि एक मुलगा असा मोठा परिवार आहे.
हे वाचलंत का ?
- आजचे राशी भविष्य रविवार दि. २४ नोहेंबर २०२४
- जळगाव ग्रामीण मतदार संघातून शिवसेना महायुतीचे गुलाबराव पाटील यांच्या दणदणीत विजय.
- एरंडोल विधानसभा मतदारसंघात महायुतीचे उमेदवार अमोलदादा पाटील यांचा एकतर्फी विजय,५६ हजार ३३२ मतांनी दणदणीत विजय.
- Viral Video:एका कारचालकास रुग्णवाहिकेला रस्ता न देणे पडले महागात, पोलिसांनी शिकवला धडा, लायसन्स केलं रद्द अन् केला लाखो रुपये दंड.
- आक्षेपार्ह पोस्टमुळे धरणगावात तणावपूर्ण बंद; भाजप व शिवेसेनेतर्फे पोलीस निरीक्षकांना निवेदन
