जळगाव : – सध्या महाराष्ट्रात मुलीवर अत्याचाराची घटना काही केल्या कमी होत नाहीये अश्यातच जळगावातील चाळीसगाव तालुक्यात एक धक्कादायक घटना उघडकीस आली आहे. एका तरूणीला चाकूचा धाक दाखवत तरूणाने तरूणीवर अत्याचार केल्याची धक्कादायक घटना घडली आहे. तरुणीसोबत असलेल्या प्रेम संबंधातून तिच्यासोबत काढलेले फोटो व्हायरल करण्याची धमकी देत आणि चाकूचा धाक दाखवत तरुणाने २१ वर्षीय तरुणीवर अत्याचार केल्याची धक्कादायक घटना चाळीसगाव तालुक्यातील एका गावात घडली आहे. या प्रकरणी काल गुरुवारी आरोपी किरण कोलते विरोधात त्याला मदत करणाऱ्या त्याच्या दोन मित्रांविरुद्ध मेहूणबारे पोलीस स्टेशनमध्ये गुन्हा दाखल झाला आहे.
औरंगाबाद जिल्ह्यातील फुलंब्री तालुक्यातील निधोरा या गावातील किरण भाऊसाहेब कोलते याचे चाळीसगाव तालुक्यातील एका गावात राहणाऱ्या २१ वर्षे तरुणी सोबत प्रेम संबंध होते. १३ जानेवारी रोजी पहाटे साडेतीन वाजेच्या सुमारास किरण हा त्याच्या तीन मित्रांसोबत तरुणी राहत असलेल्या परिसरात आला. यादरम्यान किरण याने तरुणीला बोलावून तिच्यासोबत काढलेले फोटो व्हायरल करण्याची धमकी दिली. तसेच चाकूचा धाक दाखवत, तरुणीला मित्रांच्या मदतीने बळजबरीने कारने औरंगाबाद येथे नेले.
या ठिकाणी किरण याने त्याच्या घरी सलग दोन दिवस तरुणीवर बळजबरीने अत्याचार केले. त्यानंतर तरुणीला एकटीला औरंगाबाद शहरातील सिडको येथील बस स्टँडवर सोडून किरण निघून गेला. भेदरलेल्या अवस्थेत तरुणी तिच्या गावी पोहचली व त्यानंतर तिने या प्रकरणी पोलीस स्टेशनमध्ये तक्रार दिली. या तक्रारीवरून गुरुवारी किरण कोलते याच्यासह त्याच्या तीन मित्रांविरुद्ध मेहूणबारे पोलीस स्टेशनला गुन्हा दाखल करण्यात आला आहे. पुढील तपास पोलीस उपनिरीक्षक प्रकाश चव्हाण हे करत आहेत.
हे वाचलंत का ?
- एरंडोल विधानसभा मतदारसंघात महायुतीचे उमेदवार अमोलदादा पाटील यांचा एकतर्फी विजय,५६ हजार ३३२ मतांनी दणदणीत विजय.
- Viral Video:एका कारचालकास रुग्णवाहिकेला रस्ता न देणे पडले महागात, पोलिसांनी शिकवला धडा, लायसन्स केलं रद्द अन् केला लाखो रुपये दंड.
- आक्षेपार्ह पोस्टमुळे धरणगावात तणावपूर्ण बंद; भाजप व शिवेसेनेतर्फे पोलीस निरीक्षकांना निवेदन
- पतीच्या उपचारादरम्यान हृदयविकाराच्या झटक्याने मृत्यूनंतर तीन तासांत पत्नीने संपवली जीवन यात्रा; दोघांचे एकाच चितेवर अंत्यसंस्कार
- सोशल मिडीयावर माळी समाजावरील आक्षेपार्ह मजकुराच्या निषेधार्थ एरंडोल बंद; माजी पालकमंत्री डॉ.सतीश पाटील यांच्या पुतळ्याचे दहन.
