जामनेर :- सध्या महाराष्ट्रात रोज नवीन नवीन धक्कादायक घटना समोर येत आहे अश्यातच गेल्या अनेक दिवसांपासून कसून पोलीस भरतीची तयारी केली, पोलीस भरतीचा दिवस आला, अन् तरुणाने पुण्यात पोलीस भरतीचे मैदान ही चांगलेच गाजवले. तब्बल ९० मार्क मिळविले. मात्र तरुणाचा आनंद फार काळ टिकला नाही. हा आनंद घेवून तरुण घरापर्यंत सुध्दा पोहचू शकला नाही. पुण्यातून घरी परतत असतांना अचानक प्रकृती खालावली. तरुण राहत असलेल्या त्याच्या तालुक्यापर्यंत पोहचला. याचठिकाणी त्याला उपचारार्थ दाखल करण्यात आले. मात्र उपचार सुरु असतांना तरुणाचा मृत्यू झाला आहे. रोशन भैरू पवार ( वय २२ रा. पहूर ता.जामनेर) असे मयत तरुणाचे नाव असून या दुदैवी घटनेने त्याचे पोलीस होण्याचे स्वप्न अपूर्ण राहिले आहे.
जामनेर तालुक्यातील पहूरपेठअंतर्गत आंबेडकर नगरातील रहिवासी रोशन पवार याचे बारावीपर्यंत शिक्षण झाले. पोलीस होण्याचे ध्येय उराशी बाळगून गेल्या दीड वर्षापासून रोशन याने पोलीस भरतीसाठी दिवसरात्र मेहनत घेवून तसेच धावण्यासह इतर गोष्टींची तयारी केली. पुण्यातील पोलीस भरतीच्या जागांसाठी त्याने अर्ज भरला. सोमवारी पुण्यात पोलीस भरतीसाठी त्याची मैदानी चाचणी होती. त्यासाठी रोशन हा रविवारी रात्री पुण्याकडे रवाना झाला.
पोलीस भरती गाजवल्याचा आनंद घेवून घरापर्यंतही पोहचला नाही
सोमवारी त्याची भरती प्रक्रिया सुरु झाली. मैदानी चाचणी पूर्ण झाल्यानंतर रोशन याला अचानक जुलाब आणि उलटीचा त्रास सुरु झाला. तेथील पोलीस कर्मचाऱ्यांनी त्याला तेथील स्थानिक डॉक्टरांना दाखवून उपचार केले. यात थोडीफार प्रकृती ठिक झाल्यानंतर पोलिसांनी रोशन यास पुण्यातून जळगावकडे येणाऱ्या रेल्वेत बसवून दिले. रेल्वेत प्रवासात रोशन याने फोनवरुन मंगळवारी पहाटे पाच वाजता त्याच्या कुटुंबियांना प्रकृतीची माहिती दिली होती. सकाळी नऊ वाजेच्या सुमारास रोशन हा भुसावळ रेल्वे स्थानकावर उतरला. याठिकाणी त्याची अजूनच प्रकृती खालावल्याने नातेवाईकांनी त्यांनी भुसावळातील रुग्णालयात दाखल केले. याठिकाणी रोशन याचे कुटुंबिय पोहचले त्यांनी रोशनला जामनेर येथील रुग्णालयात उपचारासाठी हलविले. याचठिकाणी रोशनची मृत्यूशी सुरु असलेली झुंज अपयशी ठरली व त्याचा दुपारी उपचार सुरु असतांना रोशन याने जगाचा निरोप घेतला.
रोशनच्या कुटुंबियांचा आक्रोश पाहून गावकऱ्यांच्याही डोळयात पाणी…
दररोज पहाटे पाच वाजता उठून रोशन हा धावण्यासह व्यायाम करत तसेच पोलीस भरतीसाठी मैदानी चाचणीची तयारी करत होता. तर लेखी परिक्षेतही आपण कमी पडू नये म्हणून गावातील वाचनालयात तो अभ्यास करत होता. पहिल्याच भरतीत त्याला पोलीस होण्याचे स्वप्न पूर्ण करायचे होते. मैदानी चाचणीतही तयारी केल्यानुसार कुठलीही समस्या उद्भवू नये म्हणून रोशन याने काहीच खाल्ले नव्हते, उपाशीपोटीच त्याने ही चाचणी पूर्ण करत नव्वद मार्क मिळविले. मात्र नियतिला काही भलतेच मान्य होते. रोशन याचा अचानक प्रकृती खालावल्याने मृत्यू झाला. या दुदैवी घटनेने पहूर गाव सुन्न झाले आहे. रोशन याच्या पश्चात आई वडील, एक भाऊ एक बहिण असा परिवार आहे. रोशनचे वडील मोलमजुरी करतात, कुटुंबात रोशन हाच हुशार होता, त्याचा मोठा भाऊ हा सुध्दा वडीलांसोबत मजूरी करतो. पोलीस होवून स्वप्न तर पूर्ण करायचे होते, मात्र कुटुंबांची परिस्थिती सुध्दा रोशनला बदलायची होती. चांगले दिवस आणायचे होते, मात्र त्याच्या मृत्यूने क्षणात या सर्व स्वप्नांचा चुराडा झाला. रोशनच्या अचानकच्या मृत्यूने त्याच्या कुटुंबियांनाही मोठा धक्का बसला आहे. कुटुंबियांचा आक्रोश पाहून ग्रामस्थांचेही डोळे पाणावले होते.
हे वाचलंत का ?
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
- शहापूर चोरीच्या घटनेतील आरोपी जामनेर पोलिसांनी शोधला ; – जामनेर पोलीसांची यशस्वी कामगिरी
- पाच मुलांच्या आईचे सूत जुळले 20 वर्षे लहान तरुणासोबत,दोघे राहिले लिव्ह-इन-रिलेशनमध्ये,तिला आठवणी आली पतीची, अन् भररस्त्यात…..
- अखिल भारतीय ग्राहक पंचायतच्या धरणगाव तालुकाध्यक्षपदी विनायक महाजन यांची नियुक्ती
