डहाणू : उन्हाळ्याच्या चाहुलीने जलसाठे आकसत चालले असून पाण्याच्या टंचाईने डोके वर काढायला सुरूवात केली आहे. पाण्याच्या वादातून अनेकदा मारामाऱ्या होत असल्याचे आपण अनेकवेळा पहिले असेलच मात्र केवळ पाण्याच्या वादातून पुरोगामी महाराष्ट्राची मान शरमेनं खाली घालणारी घटना पालघर जिल्ह्यातील डहाणूमध्ये घडली आहे.
ग्रामपंचायत मालकीच्या विहिरीतून पाणी काढण्याच्या वादावरून महिलांना अश्लील शिवीगाळ करत अंगावरील साडी फिटेपर्यंत मारहाण केल्याचा संतापजनक प्रकार समोर आला आहे. ही घटना डहाणू जिल्ह्यातील गंजाड ग्रामपंचायत हद्दीतील नवनाथ कोहराळीपाडा येथील आहे. या घटनेचा व्हिडिओ समाज माध्यमांवर व्हायरल झाल्याने सर्वत्र खळबळ उडाली आहे.
स्थानिकांच्या माहितीनुसार, गंजाड नवनाथ कोहराळीपाडा येथे काही महिलांना शिवीगाळ करत महिलांना विवस्त्र होईपर्यंत बेदम मारहाण केल्याची धक्कादायक घटना समोर आली आहे. गंजाड ग्रामपंचायत हद्दीतील नवनाथ कोहराळीपाडा येथील हा धक्कादायक प्रकार आहे. पाण्याच्या वादावरून ही घटना घडल्याचे सांगण्यात येत आहे. या घटनेचा व्हिडिओ समाज माध्यमांवर व्हायरल झाला आहे.
गंजाड ग्रामपंचायतीचे उपसरपंचांच्या नातेवाईकांकडून ही मारहाण करण्यात आली आहे. महिलांना बेदम मारहाण केल्याचे व्हिडिओत दिसत आहे. विशेष म्हणजे महिलांना मारहाण होत असताना गंजाड ग्रामपंचायतीचे उपसरपंच देखील घटनास्थळी उपस्थित असल्याचे दिसत आहे.
हे वाचलंत का ?
- Viral Video:एका कारचालकास रुग्णवाहिकेला रस्ता न देणे पडले महागात, पोलिसांनी शिकवला धडा, लायसन्स केलं रद्द अन् केला लाखो रुपये दंड.
- आक्षेपार्ह पोस्टमुळे धरणगावात तणावपूर्ण बंद; भाजप व शिवेसेनेतर्फे पोलीस निरीक्षकांना निवेदन
- पतीच्या उपचारादरम्यान हृदयविकाराच्या झटक्याने मृत्यूनंतर तीन तासांत पत्नीने संपवली जीवन यात्रा; दोघांचे एकाच चितेवर अंत्यसंस्कार
- सोशल मिडीयावर माळी समाजावरील आक्षेपार्ह मजकुराच्या निषेधार्थ एरंडोल बंद; माजी पालकमंत्री डॉ.सतीश पाटील यांच्या पुतळ्याचे दहन.
- आजचे राशी भविष्य गुरूवार दि.२१ नोहेंबर २०२४
