मुंबईचा सलग दुसरा मोठा पराभव
मुंबई (गुरुदत्त वाकदेकर) : महिला प्रीमियर लीगच्या १८ व्या सामन्यात दिल्ली कॅपिटल्सने मुंबई इंडियन्सचा नऊ गडी राखून पराभव केला. डीवाय पाटील स्टेडियमवर ९ षटकांत ११० धावांचे लक्ष्य गाठले. दिल्ली कॅपिटल्सची कर्णधार मेग लैनिंगने नाणेफेक जिंकून प्रथम गोलंदाजी करण्याचा निर्णय घेतला. मुंबई इंडियन्सचा संघ २० षटकांत आठ गडी गमावून १०९ धावाच करू शकला. दिल्लीने नऊ षटकांत एका विकेटच्या मोबदल्यात ११० धावा करून सामना जिंकला. या विजयासह दिल्लीचा संघ गुणतक्त्यात अव्वल स्थानावर पोहोचला आहे. त्यांनी मुंबई इंडियन्सला पहिल्या स्थानावरून हटवले.
दिल्लीचा सात सामन्यांमधला हा पाचवा विजय आहे. त्यांचे १० गुण झाले. मुंबईचेही सात सामन्यांतून १० गुण आहेत, पण त्यांची निव्वळ धावगती दिल्लीपेक्षा कमी आहे. दिल्लीची निव्वळ धावगती +१.९७८ आहे आणि मुंबईची +१.७२५ आहे. मंगळवारी (२१ मार्च) मुंबईला शेवटचा सामना रॉयल चॅलेंजर्स बंगळुरू विरुद्ध खेळायचा आहे. त्याचवेळी दिल्ली कॅपिटल्सला यूपी वॉरियर्स विरुद्ध खेळायचे आहे. दिल्ली कॅपिटल्स आणि मुंबई इंडियन्सच्या संघांनी आपले सामने जिंकल्यास १२ गुण होतील. पराभूत झाल्यावर दोघांचे १० गुण होतील. अशा स्थितीत अंतिम फेरीत जाणारा संघ निव्वळ धावगतीच्या आधारे ठरवला जाईल. दुसरीकडे, जर एक संघ हरला आणि दुसरा जिंकला, तर विजेता संघ अंतिम फेरीत पोहोचेल.
दिल्लीकडून कर्णधार मेग लैनिंग, एलिस कैप्सी आणि शफाली वर्मा यांनी तुफानी खेळी खेळली. तिघींनीही झटपट धावा केल्या. एलिस कैप्सीने सर्वाधिक नाबाद ३८ धावा केल्या. १७ चेंडूंच्या खेळीत तिने फक्त एक चौकार मारला. एलिस कैप्सीच्या बॅटमधून पाच लांब षटकार निघाले. कर्णधार मेग लैनिंगने २२ चेंडूत ३२ धावा केल्यानंतर नाबाद राहिली. तिने चार चौकार मारले. शफाली वर्माने १५ चेंडूत सहा चौकारांच्या मदतीने ३३ धावा केल्या. लॅनिंग आणि शफाली यांनीही प्रत्येकी एक षटकार ठोकला. हिली मॅथ्यूजने मुंबईला एकमेव यश मिळवून दिले.
मुंबईकडून पूजा वस्त्राकरने सर्वाधिक २६ धावा केल्या. कर्णधार हरमनप्रीत कौर २३, इस्सी वाँग २३ आणि अमनजोत कौर १९ धावा करून बाद झाल्या. अमेलिया केरने आठ, हिली मॅथ्यूजने पाच आणि यास्तिका भाटियाला एकच धाव करता आली. नताली सीवर ब्रंटला खातेही उघडता आले नाही. दिल्लीसाठी मरिजान कैपने भेदक गोलंदाजी केली. तिने चार षटकांत १३ धावा देत दोन बळी घेतले. शिखा पांडे आणि जेस जोनासेन यांनाही प्रत्येकी दोन यश मिळाले. अरुंधती रेड्डीने एक विकेट घेतली.
मरिजान कैपला सामनावीर पुरस्काराने गौरविण्यात आले.
हे देखील वाचा
- बायकोने नवऱ्याला धोबीपछाड देत मिळवला विजय; हर्षवर्धन जाधव यांच्या पराभव तर रावसाहेब दानवेची लेक जिंकली.
- कर्ज झाले म्हणून ३५ कोटीच्या विमा काढला, मजुराच्या केला खून,अन् स्वत:च्या अपघाती मृत्यूचा केला बनाव; सिनेमा सारखी कहाणी वाचा.
- Viral Video:सोशल मीडियावर रील बनवायच्या नादात महिलेच्या साडीला लागली आग;अन् पुढे जे झाले ते भयानकच पहा व्हिडिओ
- एक सेलिब्रिटी ज्याचे इन्स्टाग्रामवर 56 लाख फॉलोअर पण त्यास 200 जणांनीही मत दिलं नाही! त्याची सोशल मीडियावर जोरदार चर्चा.
- वारंवार होत असलेल्या भांडणामुळे पतीने झोपलेल्या पत्नीच्या डोक्यात दगड घालून केली हत्या, स्वतःहून पोलिस ठाण्यात झाला हजर.
