जळगाव : – सध्या महाराष्ट्रात अपघातच्या घटनांमध्ये दिवसेंदिवस वाढ होत आहे अश्यातच जळगाव शहरातील बांभोरी पुलानजीक हॉटेल गिरणाई समोर महामार्गावर ट्रकने दुचाकीवरील तरुणाला चिरडल्याची घटना शनिवारी रात्री आठ वाजण्याच्या सुमारास घडली. अक्षय भेंडे (वय ३२ वर्षे, राहणार- वर्धा, सध्या रामानंदनगर, जळगाव) असे मयत तरुणाचे नाव आहे. अक्षय याला त्याच्या मित्रांनी पार्टीचा आग्रह केला. यास अक्षयने नकार सुध्दा दिला होता. त्यानंतरही तो मित्रांच्या आग्रहास्तव पार्टीला गेला. याच दरम्यान पार्टी करून परत निघाला असता, त्याचा अपघातात दुर्देवी मृत्यू झाल्याची घटना घडली.

वर्धा येथील मूळ रहिवासी असलेला अक्षय हा जळगाव शहरातील एका फायनान्‍स कंपनीत नोकरीला होता. शुक्रवारी फायनान्स कंपनीने दिल्यानुसार ३१ मार्चचे टार्गेट अक्षय यांच्यासह त्याच्या फायनान्स कंपनीत काम करणाऱ्या अक्षयच्या सहकारी मित्रांनी पूर्ण केले. टार्गेट पूर्ण झाल्याने मित्रांनी शनिवारी हॉटेलात पार्टीचा बेत आखला. जळगाव शहरातील हॉटेल गिरणाई या ठिकाणी पार्टी करण्याचे ठरल्यावर अक्षयचे मित्र पोहचले. मित्रांनी अक्षयलाही पार्टीचा आग्रह धरला, अक्षयने सुरुवातीला नकार दिला. मात्र यानंतर तो मित्राच्या आग्रहास्तव पार्टीला सर्वात उशिरा पोहचला.

ज्या हॉटेलात पार्टी करून आले त्याच हॉटेलच्या समोर अनर्थ घडला

गिरणाई या हॉटेलात पार्टी आटोपल्यानंतर सर्व मित्र बाहेर पडले. हॉटेलबाहेर उभी केलेली एम.एच.४९ ए.टी.४४०७ या क्रमाकांची दुचाकी काढली. हॉटेलकडून बाहेर पडल्यावर महामार्गावर दुचाकी घेत असतांना एम.एच.३२ आर.४०७२ या क्रमाकांच्या १२ चाकी ट्रकने जोरदार धडक दिली. यात मागच्या चाकाखाली आल्याने अक्षयचा जागीच मृत्यू झाला.

हा अपघात एवढा भयंकर होता की, मृतदेहाचा अक्षरश: चेंदामेंदा झाला होता. अपघाताची माहिती मिळताच तालुका पोलीस ठाण्यातील पोलीस कर्मचाऱ्यांनी घटनास्थळी धाव घेतली आणि मृतदेह जिल्हा रुग्णालयात हलवला. यावेळी अक्षयच्या मित्रांनी प्रचंड आक्रोश केला. तो पाहून उपस्थितांचेही डोळे पाणावले होते. मयत अक्षयच्या पश्चात पत्नी आणि एक चार वर्षाची मुलगी आहे.

अपघातानंतर महामार्गावर वाहतूक काही काळ विस्कळीत होवून महामार्गावर वाहनांच्या रांगा लागल्या होत्या. पोलिसांनी वाहतूक सुरळीत केली, अन दुचाकीला धडक देणाऱ्या तसेच अक्षयच्या मृत्यूस कारणीभूत ट्रक चालकाला ताब्यात घेतले. याप्रकरणी तालुका पोलिसात गुन्हा दाखल करण्याचे काम सुरु होते.

हे वाचलंत का ?

• Viral Video: दोन दरोडेखोर पिस्तुलाचा धाक दाखवून दागिने लुटणार इतक्यात दुकानदार व कर्मचाऱ्यांनी अस केलं की चोरांचा डाव उलटवला.
• पोलखोल! बनावट एडिशनल एसपी बनून आली पोलीस ठाण्यात पोलिसांनी केलं सॅल्यूट;पण एक छोटीशी चूक होताच पोलिसांनी केला महिलेचा पर्दाफाश.
• एरंडोल येथे संविधान दिवस उत्साहात संपन्न; “घर घर संविधान” चळवळ यशस्वी करण्याचा संकल्प
• धक्कादायक! आईने घरातील पत्र्याला घेतला गळफास,तर दोन चिमुकली आढळली पाण्याच्या बॅरेलमध्ये,कारण अस्पष्ट.
• आजचे राशी भविष्य गुरूवार दि. २८ नोहेंबर २०२४