Viral Video : भारतीय लग्न कायमच चर्चेचा विषय राहिला आहे. लग्नांमध्ये नेहमीच हटके पद्धती, विधी, मजा-मस्ती, पहायला मिळते. कुटुंबातील सदस्य, नातेवाईक आणि मित्रांची साथ असल्यामुळे या सोहळ्याला आणखीनच शोभा येते.मात्र कधी कधी या सोहळ्यात कोणामुळे किंवा कशामुळे तरी विघ्न पडते. आत्तापर्यंत लग्नांमध्ये अनेक विचित्र घडल्याचं समोर आलं आहे. काहींचे व्हिडीओदेखील सोशल मीडियावर व्हायरल झालेले पहायला मिळाले. अशातच यामध्ये आणखी एक भर पडली असून लग्नामधील थक्क करणारी घटना समोर आली आहे.
व्हिडिओमध्ये दिसत आहे की, वधू आणि वर दोघेही त्यांच्या लग्नाच्या मंचावर शांतपणे बसलेले दिसत आहेत. स्टेजभोवती उभे राहून मित्र आणि नातेवाईक मजा करत आहेत. काही वेळाने एक माणूस स्टेजवर चढतो आणि वराच्या मागे उभा राहतो. त्याच्या बाजूला उभ्या असलेल्या दुसऱ्या महिलेलाही तो बोलावतो. तो पहिल्यांदा नवरदेवाची पगडी वर उचलतो. त्याचं हे वागणं नवरदेवाला आवडत नाही मात्र तो शांत राहतो.
पुढे माणूस नवरदेवाला नोट देतो आणि फोटो काढतो. हे झाल्यावर तो त्याचे गाल जोरजोरात ओढालयला लागतो.
पुन्हा अपमान झाल्यामुळे वराला राग येतो. संतापलेला नवरा मुलगा उभा राहतो आणि त्या माणसावर कानाखाली मारतो. वधू आणि इतर काही जण नवरदेवाला थांबवण्यासाठी पुढे येतात. व्हिडीओमध्ये म्हटल्याप्रमाणे तो व्यक्ती नवरीचा मेव्हणा असल्यातं सांगण्यात येत आहे.दरम्यान, अरहंत शेल्बीने ट्विटरवर शेअर केलेल्या व्हिडिओला लाखाहून अधिक व्ह्यूज मिळाले आहेत. याशिवाय व्हिडीओवर भरपूर कमेंटदेखील येत आहेत. लग्नांमध्ये अशा मारामारीच्या, भांडणाच्या, विचित्र, मजेशीर अशा प्रकारच्या घटना घडत असतात.
हे देखील वाचा
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
