चाळीसगाव प्रतिनिधी :-नेहा राजपूत
चाळीसगाव :- धुळे रोड भागातील साने गुरुजी प्राथमिक विद्या मंदिर शाळेत 23 फेब्रुवारी रोजी स्वच्छतेचे जनक संत गाडगे महाराज यांची जयंती शालेय परिसर स्वच्छ करून साजरी करण्यात आली. यावेळी कार्यक्रमाचे प्रमुख म्हणून चाळीसगाव नगरपालिकेचे स्वच्छतादूत विजयजी शर्मा तसेच मेरा गाव मेरा तीर्थ चे खुशाल पाटील उपस्थित होते. कार्यक्रमाच्या अध्यक्षस्थानी शाळेच्या मुख्याध्यापिका शारदा महाले मॅडम होत्या.यावेळी शाळेतील विद्यार्थ्यांनी संत गाडगे महाराज यांचा विचारावर प्रकाश टाकला.
कार्यक्रमाचे आयोजन रोटरॅक्ट क्लब ऑफ चाळीसगांव क्लासिक चे अध्यक्ष तथा उपक्रमशील शिक्षक महेंद्र कुमावत सर यांनी केले होते.प्रमुख पाहुणे विजयजी शर्मा यांनी विद्यार्थ्यांना स्वच्छता विषयी मार्गदर्शन केले.कार्यक्रमात खुशाल पाटील,उमेश माळतकर सर,भाऊसाहेब खैरनार सर यांनी मनोगत व्यक्त केले.व्यासपीठावर संगीता बोरसे मॅडम,विकास बोरसे सर,मनीष पाटील सर,अविनाश घुगे सर,किशोर सोनवणे सर इत्यादी उपस्थित होते.कार्यक्रमाचे सूत्रसंचालन महेंद्र कुमावत सर यांनी केले.तर आभार भाग्यश्री ठाकूर मॅडम यांनी मानले. कार्यक्रम यशस्वीरित्या होण्यासाठी उत्तमराव महाजन बी.एड.कॉलेजचे छात्रअध्यापक भावना पाटोळे, आरती गायकवाड, अभिलाषा मोरे,गंगावती वसावे, दर्शन पाटील यांनी सहकार्य केले.
