जळगाव: – सध्या महाराष्ट्रात अपघातच्या घटनांमध्ये दिवसेंदिवस वाढ होत आहे अश्यातच जळगाव जिल्ह्यात वाहनचालकांच्या बेपर्वाईमुळे सातत्याने अपघातांची संख्या वाढत आहे. वेगाने वाहन चालवणे, वेडे- वाकडे कट मारणे असे प्रकार सातत्याने घडत आहेत.रविवारी देखील जळगाव शहरातील कोल्हे नगर येथे भरधाव कारवरील चालकाचा ताबा सुटल्याने कार थेट घराच्या कंपाऊंडवर आदळल्याची घटना दुपारी साडेचार वाजेच्या सुमारास घडली. या अपघातात कारची एअरबॅग उघडल्याने कारमधील दोघेजण सुदैवाने बचावले आहेत. याबाबत पोलीसात कोणतीही नोंद करण्यात आलेली नाही.
मिळालेल्या माहितीनुसार, जळगाव शहरातील रामानंदनगर पोलीस ठाण्यापासून हाकेच्या अंतरावर कोल्हेनगर येथे राजू भंगाळे यांचे घर आहे. रविवारी दुपारी साडेचार वाजेच्या सुमारास जुने भगवान नगरकडून कार क्रमांक (एमएच १९ ईजी १७७८) ही कोल्हेनगरकडे भरधाव वेगाने येत होती. त्यावेळी चालकाचे कारवरील नियंत्रण सुटल्याने कार थेट राजू भंगाळे यांच्या घराच्या कंम्पाऊंडंच्या भिंतीवर जावून आदळली.
या घटनेत सुदैवाने कारमधील दोघेजण बॅग उघडल्याने बचावले आहेत. मात्र,अपघातात कारचे मोठे नुकसान झाले आहे. जवळच कॉलेज असल्यामुळे या रस्त्यावर नेहमी वर्दळ असते. रविवारी सुट्टीचा दिवस असल्याने रस्त्यावर वर्दळ कमी होती अन्यथा मोठी दुर्घटना यावेळी घडली असती अशी यावेळी चर्चा होती. या घटनेबाबत पोलीस ठाण्यात कोणतीही नोंद करण्यात आलेली नाही. अपघातानंतर अडकलेली कार क्रेनच्या मदतीने बाहेर काढण्यात आली.
हे वाचलंत का ?
- Viral Video: दोन दरोडेखोर पिस्तुलाचा धाक दाखवून दागिने लुटणार इतक्यात दुकानदार व कर्मचाऱ्यांनी अस केलं की चोरांचा डाव उलटवला.
- पोलखोल! बनावट एडिशनल एसपी बनून आली पोलीस ठाण्यात पोलिसांनी केलं सॅल्यूट;पण एक छोटीशी चूक होताच पोलिसांनी केला महिलेचा पर्दाफाश.
- एरंडोल येथे संविधान दिवस उत्साहात संपन्न; “घर घर संविधान” चळवळ यशस्वी करण्याचा संकल्प
- धक्कादायक! आईने घरातील पत्र्याला घेतला गळफास,तर दोन चिमुकली आढळली पाण्याच्या बॅरेलमध्ये,कारण अस्पष्ट.
- आजचे राशी भविष्य गुरूवार दि. २८ नोहेंबर २०२४
