आग्रा (उत्तर प्रदेश):- येथे एका हिंदू मुलीच्या धर्मांतराची तयारी सुरु होती. एका अल्पवयीन हिंदू मुलीचा विवाह मुस्लिम तरुणाशी होणार होता.मौलवीची वाट पाहिली जात होती. लग्नाची सर्व तयारीही पूर्ण झाली होती.
मात्र त्यापूर्वीच पोलीसांनी घटनास्थळ पोहोचून या जोडप्याला पकडले. याप्रकरणी पोलिसांनी चौकशी करुन कारवाई करण्यासंबंधी सांगितले आहे.
दरम्यान, एतमाउदुल्ला पोलिस स्टेशनच्या प्रकाश नगरमध्ये, पोलिसांना स्थानिक लोकांकडून माहिती मिळाली की, एक मुस्लिम तरुण एका अल्पवयीन हिंदू मुलीशी लग्न करत आहे.
माहिती मिळताच पोलीस घटनास्थळी पोहोचले. त्यांना एका घरात एक मुलगी आणि एक मुस्लिम तरुण बसलेले आढळले.

मुलीचे नाव बदलले…
दोघेही मौलवीची वाट पाहत होते. पोलिसांच्या चौकशीत मुलीने तिचे खरे नाव रचना असल्याचे सांगितले. मुस्लिम तरुण साहिलने तिचे नाव बदलून रुखसार ठेवले होते.
तो मूळचा अलीगढचा रहिवासी आहे. साहिल नोएडामध्ये एका फॅक्टरीत काम करत होता. सहा महिन्यांपूर्वीच रचनाची साहिलशी ओळख झाली होती. तीन महिन्यांपूर्वी ती साहिलसोबत राहायला सुद्धा गेली होती.
दुसरीकडे, धर्म बदलून साहिलने तिच्याशी लग्न करण्याचा बेत आखला होता. मात्र त्यापूर्वीच पोलिसांनी त्याला पकडले. डीसीपी सिटी विकास कुमार यांनी दिलेल्या माहितीनुसार, आरोपी तरुणाची चौकशी सुरु आहे.
तीन महिन्यांपूर्वी नोएडामध्ये अल्पवयीन मुलगी बेपत्ता झाल्याची नोंद करण्यात आली होती. आरोपी तरुण तीन महिन्यांपासून तिच्यासोबत नोएडा येथून पळून गेला होता. येथून ते पहिल्यांदा ग्वाल्हेरला गेले नंतर ते आग्र्याला आले.

हरवल्याची तक्रार दाखल करण्यात आली…
गेल्या शुक्रवारी तो धर्मांतर करुन लग्न करणार होता. रचनाच्या म्हणण्यानुसार, साहिलने तिला केवळ मांसाहारच करायचा शिकवले नाही तर तिचे नाव बदलून रुखसार ठेवले होते.
डीसीपी सिटी विकास कुमार यांनी दिलेल्या माहितीनुसार, नोएडा येथील पोलीस ठाण्यात मुलगी बेपत्ता झाल्यानंतर तिच्या नातेवाईकांनी हरवल्याची तक्रार दाखल केली होती.
या प्रकरणाची चौकशी सुरु आहे. जे काही तथ्य समोर येईल, त्यानुसार कारवाई केली जाईल. सध्या मुलीला नोएडा पोलिसांच्या ताब्यात देण्यात आले आहे. याबाबत नातेवाईकांनाही कळवण्यात आले आहे.

हे पण वाचा

• Viral Video: मार्केटमध्ये एक सुंदर ड्रेस दोन महिलांना आवडला तो घेण्यावरून सुरू झाला वाद मग सुरू झाली तुंबळ हाणामारी पहा व्हिडिओ
• महाविद्यालयाच्या हॉस्टेलच्या बाथरूममध्ये इतर मुलींचे आंघोळ करतानाचे व्हिडिओ शूट करून तरुणीने क्लिप्स पाठवल्या प्रियकरास, तरुणीस पोलिसांनी घेतले ताब्यात.
• हृदयद्रावक! लग्नाच्या दुसऱ्याच दिवशी हळद सुकण्यापूर्वीच नववधूच्या मांडीवर डोके टेकत नवरदेवाने सोडला प्राण, सर्वत्र हळहळ.
• संघटित गुन्हे करणाऱ्या घरफोडीतील गुन्हेगारांना एमआयडीसी पोलिसांनी केले जेरबंद,१लाख ८५ हजार रुपयांच्या मुद्देमाल जप्त.
• Viral Video:एक्स्प्रेसवेवर तरुणांची सुसाट वेगाने बाईक चालवत जीवघेणी स्टंटबाजी; तोल जाताच कोसळले, मागून आला ट्रक अन् पहा काळजात धडकी भरेल असा व्हिडिओ.