भर रस्त्यावरील मोबाईलचे दुकान फोडल्यामुळे व्यापारी वर्गात भीतीचे वातावरण,चोरट्यांना पकडण्याचे पोलिसांसमोर आव्हान

एरंडोल l प्रतिनिधी

एरंडोल-येथील शेतकरी सहकारी संघाच्या व्यापार संकुलात असलेल्या मोबाईल दुकानाचे कुलूप तोडून अज्ञात चोरट्यांनी मोबाईल व रोख रक्कम असा सुमारे २लाख ८८ हजार रुपयांचा ऐवज लंपास केला.म्हसावद रस्त्यावर जुन्या पोलीस स्थानकासमोर असलेल्या प्रमुख मार्गावरील दुकान फोडून चोरी झाल्यामुळे व्यापारी वर्गात भीतीचे वातावरण निर्माण झाले आहे.विशेष म्हणजे चोरट्यांनी दुकानाच्या बाहेर असलेल्या सीसीटीव्हीच्या कॅमेरावर फडके टाकून झाकला होता तर दुकानामध्ये असलेल्या कॅमेराच्या सर्व वायरी तोडून टाकल्या आहेत.

याबाबत माहिती अशी,की जुन्या पोलीस स्थानकासमोर एरंडोल तालुका शेतकरी सहकारी संघाचे व्यापार संकुल असून याठिकाणी अनेक व्यावसायिक व्यवसाय करीत आहेत.काल रात्री सात वाजेच्या सुमारास व्यापार संकुलातील हरीओम एंटरप्राईजेसचे संचालक गोपाल दांडगे यांनी दुकानाच्या पत्री शटरला कुलूप लाऊन ते घरी गेले.दुकानात साठ नवीन मोबाईल,अन्य साहित्य व तीन हजार रुपये रोख रक्कम होती.आज सकाळी साडेनऊ वाजेच्या दुकानाचे मालक गोपाल दांडगे हे दुकान उघडण्यासाठी आले असता त्यांना दुकानाच्या शटरला कुलूप नसल्याचे दिसून आले.

गोपाल दांडगे यांनी शेजारी असलेले दुकानदार योगेश पाटील यांना दुकानास कुलूप नसल्याचे सांगितले.गोपाल दांडगे व योगेश पाटील यांनी दुकानाचे पत्री शेड वर करून दुकानात गेले असता त्यांना दुकानातील सामान अस्ताव्यस्त पडलेला दिसला तसेच दुकानातील नवीन मोबाईल देखील आढळून आले नाहीत.दुकानात असलेली सुमारे तीन हजार रुपयांची रोख रक्कम देखील आढळून आली नाही.गोपाल दांडगे यांनी सर्व मोबाईलची मोजणी केली असता त्यांना दुकानातील विविध कंपन्यांचे १९ मोबाईल व रोख तीन हजार रुपये
अज्ञात चोरट्याने चोरून नेल्याचे आढळून आले.

विशेष म्हणजे दुकानात सीसीटीव्ही कॅमेरे असून अज्ञात चोरट्यांनी बाहेरच्या कॅमेरावर फडके टाकून तो झाकून ठेवला तर दुकानातील कॅमेराच्या वायरी तोडल्या होत्या.याबाबत गोपाल दांडगे यांनी दिलेल्या तक्रारीवरून पोलीस स्थानकात अज्ञात चोरट्याविरोधात गुन्हा नोंदवण्यात आला असून पोलीस निरीक्षक सतीश गोराडे यांच्या मार्गदर्शनाखाली उपनिरीक्षक शरद बागल, हवालदार सुनील लोहार,अनिल पाटील व त्यांचे सहकारी तपास करीत आहेत.चोरट्यांनी भर रस्त्यावरील मोबाईलचे दुकान फोडल्यामुळे व्यापारी वर्गात भीतीचे वातावरण निर्माण झाले असून चोरट्यांना पकडण्याचे आव्हान पोलिसांसमोर उभे राहिले आहे.

हे पण वाचा

• Video: खळबळजनक! साखरपुडा सुरू वधू-वर दोघेही स्टेजवर तेवढ्यात एक युवती आली तिने नवरीला मिठी मारली अन् म्हणाली….. काय आहे प्रकरण पहा व्हिडिओ
• मी’न्याय कुणाकडे मागायचा’ माझ्या पत्नीने सोडचिठ्ठी न देता केला दुसरा विवाह; म्हणत पतीनं पोलीस स्टेशनमध्येच स्वतःला पेटवून घेतलं.
• 52 वर्षीय सासरा व त्याच्या मित्राने नवविवाहीत सुनेस १५ दिवस घरात डांबून ठेवत केला लैंगिक अत्याचार आरोपी सासरा व त्याच्या मित्र फरार.
• दोघांच्या प्रेमात ५ वर्षाच्या मुलगा होता अडथळा.! निर्दयी आई समोर प्रियकराने केली चिमुल्याची हत्या, कपड्यात बांधून मृतदेह फेकला नदीत.
• नवीन वीज मीटर बसवण्यासाठी सहाय्यक अभियंत्याने मागितली साडेचार हजाराची लाच; संशयित लाचखोर अधिकारी एसीबीच्या जाळ्यात…