झुंजार एरंडोल प्रतिनिधी
एरंडोल:- भरधाव वेगाने जाणाऱ्या आयशर ने समोरून येत असलेल्या मोटरसायकलला जोरदार धडक दिल्यामुळे झालेल्या अपघातात मोटारसायकल चालक जागीच ठार झाला. हा अपघात आज दुपारी साडेतीन वाजेच्या सुमारास राष्ट्रीय महामार्गावरील हॉटेल कृष्णाई जवळ झाला. अपघातानंतर आयशर चालक वाहन सोडून फरार झाला.
याबाबत माहिती अशी की आज दुपारी तीन वाजेच्या सुमारास पिंपळकोठा खुर्द येथील शुभम राजू हटकर वय 30 वर्षे मित्राची टीव्हीएस कंपनीची मोटर सायकल क्रमांक एम एच 19 डी जे 1204 ने घरातून निघाला होता दुपारी साडेतीन वाजेच्या सुमारास राष्ट्रीय महामार्ग क्रमांक सहावर पिंपळकोटा गावाजवळ असलेल्या होटेल कृष्णाई जवळ समोरून येणाऱ्या आयशर क्रमांक एम एच 48 ए वाय 4951या तपकिरी रंगाच्या आयशर ने मोटर सायकल ला जोरदार धडक दिल्यामुळे मोटर सायकल चालक शुभम राजू हटकर जागीच ठार झाला. अपघात झाल्यानंतर नागरिकांनी अपघाताची माहिती मयताचे काका बिभिशन शिवाजी करनोर यांना दिली. बिभिशन करणार व किरण प्रकाश पाटील यांनी अपघातस्थळी धाव घेतली.
अपघातानंतर राष्ट्रीय महामार्गावरील वाहतूक विस्कळीत होऊन दोन्ही बाजूला वाहनांच्या रांगा लागल्या होत्या पोलीस निरीक्षक ज्ञानेश्वर जाधव यांचेसह पंकज पाटील अनिल पाटील महेंद्र पाटील रवींद्र सपकाळे यांनी घटनास्थळी धाव घेऊन अपघातग्रस्त वाहने दूर करून वाहतूक सुरळीत केली.
अपघातानंतर आयशर चालक वाहन सोडून फरार झाला. याबाबत बिबीशन शिवाजी करनोर यांनी दिलेल्या तक्रारीवरून आयशर चालकाच्या विरोधात गुन्हा दाखल करण्यात आला असून पोलिस निरीक्षक ज्ञानेश्वर जाधव यांचे मार्गदर्शनाखाली हवालदार महेंद्र पाटील तपास करीत आहेत.
फोटो ओळी:- 1) शुभम हटकर
2) अपघात ग्रस्त मोटरसायकल
