मुंबई (गुरुदत्त वाकदेकर) : संकल्प संस्था आणि आरिन फाउंडेशन यांच्या संयुक्त विद्यमाने तसेच संकल्प संस्थेचे अध्यक्ष विनोद हिवाळे यांच्या पुढाकाराने आणि आरिन फाऊंडेशनचे अध्यक्ष नितेश मिसाळ यांच्या माध्यमातून एम/पूर्व विभागातील शिवाजी नगर, मानखुर्द, वाशी नाका चेंबुर येथील वस्तीतील गरजू कुटुंबातील मुलांना शैक्षणिक साहित्य वाटप करण्यात आले.
संकल्प संस्था गेली १२ वर्षांपासून चेंबूर गोवंडी शिवाजी नगर मानखुर्द या एम/पूर्व विभागात वस्ती विकास प्रकल्पा अंतर्गत शैक्षणिक, आरोग्य, महिला सक्षमीकरण आणि वस्ती संघटन या विषयावर कार्य करीत आहे. त्यातील महत्वाचा एक भाग म्हणून दरवर्षीप्रमाणे याही वर्षी आरिन फाउंडेशनच्या माध्यमातून २०० होतकरू आणि गरजवंत विद्यार्थ्यांना शैक्षणिक साहित्याचे वाटप करण्यात आले.
सदर कार्यक्रमाचे समन्वयक म्हणून सविता हेंडवे यानी काम पाहिले. शकीला तांबोळी यांनी कार्यक्रमाची नियोजनबद्ध आखणी केली. यावेळी आरिन फाऊंडेशनचे प्रबंधक किरण जाधव यांनी उपस्थित विद्यार्थ्यांना शैक्षणिक विषयावर मोलाचे मार्गदर्शन केले.
संकल्प संस्थेच्या अरुणा मोरे यांनी एम पूर्व विभागामधील वस्ती विकास प्रकल्पा अंतर्गत कार्याबद्दल तसेच भविष्यात होणाऱ्या कार्यक्रमाची माहिती दिली.
कार्यक्रम यशस्वीपणे पार पाडण्यासाठी कपिल क्षीरसागर, वनिता सावंत, सीमा परिहार, फरीदा अत्तार, निर्मला सावंत, अश्फाक तांबोळी, प्रतिक्षा पवार, अश्विनी भंडारे, विमल देवकाते, उमा चंदनशिवे, लक्ष्मी पगारे, मीना रमानी यांचे विशेष सहकार्य लाभले.
हे पण वाचा
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
