यावल : मुलीच्या दुर्धर आजाराला कंटाळून न्हावी येथील पित्याने आपल्या पाच वर्षीय मुलीला विहिरीत ढकलून तिचा खून केल्याची घटना घडली होती. या प्रकरणी फैजपूर पोलिसांनी तपासचक्रे फिरवून नराधम पित्याला अटक केली होती. संशयिताला सोमवारी यावल न्यायालयात हजर केले असता सह दिवाणी न्यायाधीश न्या.व्ही.एस.डामरे यांनी दोन दिवसांची पोलीस कोठडी सुनावली. ठुशा भावलाल बारेला (32) असे अटकेतील आरोपीचे नाव आहे.
विहिरीत ढकलून आरोपीने काढला पळ
अनिता ठुशाशा बारेला (5) या चिमुकली दुर्धर आजार असल्याने त्यास कंटाळून आरोपीने मुलीला सोबत घेत तिला विहिरीत ढकलून मूळ गावी पळ काढला होता. पाच वर्षीय अनिताचा मृतदेह गावालगत असलेल्या धीरज सुधाकर चौधरी यांच्या शेत विहिरीत शनिवारी आढळल्यानंतर खळबळ उडाली होती तर तपासात आरोपी पित्यानेच हा खून केल्याचे उघडकीस आले होते.
मध्यप्रदेशातून आवळल्या मुसक्या
फैजपूरचे सहाय्यक निरीक्षक निलेश वाघ यांच्या मार्गदर्शनाखाली पथकाने मध्यप्रदेशातील झिरण्याजवळील गुलझरी गावातून रविवारी दुपारी आरोपी पित्याला ताब्यात घेतल्यानंतर त्याने गुन्ह्याची कबुली. मुलीला जडलेल्या दुर्धर आजाराला कंटाळून आपण तिला विहिरीत ढकलून दिल्याचे त्याने कबुली दिल्याने रात्री उशिरा छंडा वेरला बारेला (57, गोणट्या पिपल्या, भगवानपुरा, मध्यप्रदेश) यांच्या फिर्यादीनुसार खुनाचा गुन्हा दाखल करण्यात आला. दरम्यान, आरोपीला सोमवारी यावल न्यायालयात हजर केले असता दोन दिवसांची पोलीस कोठडी सुनावण्यात आली. तपास सहाय्यक निरीक्षक निलेश वाघ करीत आहेत.
हे पण वाचा
- एरंडोल विधानसभा मतदारसंघात महायुतीचे उमेदवार अमोलदादा पाटील यांचा एकतर्फी विजय,५६ हजार ३३२ मतांनी दणदणीत विजय.
- Viral Video:एका कारचालकास रुग्णवाहिकेला रस्ता न देणे पडले महागात, पोलिसांनी शिकवला धडा, लायसन्स केलं रद्द अन् केला लाखो रुपये दंड.
- आक्षेपार्ह पोस्टमुळे धरणगावात तणावपूर्ण बंद; भाजप व शिवेसेनेतर्फे पोलीस निरीक्षकांना निवेदन
- पतीच्या उपचारादरम्यान हृदयविकाराच्या झटक्याने मृत्यूनंतर तीन तासांत पत्नीने संपवली जीवन यात्रा; दोघांचे एकाच चितेवर अंत्यसंस्कार
- सोशल मिडीयावर माळी समाजावरील आक्षेपार्ह मजकुराच्या निषेधार्थ एरंडोल बंद; माजी पालकमंत्री डॉ.सतीश पाटील यांच्या पुतळ्याचे दहन.
