मुंबई (गुरुदत्त वाकदेकर) : चंद्रावर अलगद उतरणाऱ्या निवडक देशांमध्ये भारताचे नाव समाविष्ट झाले आहे. चांद्रयान-३ चंद्राच्या दक्षिण ध्रुवावर उतरले भारताचा तिरंगा फडकवण्यात आला आहे. यासोबतच संपूर्ण जग भारताला सलाम करत आहे. इस्रोचे प्रमुख सोमनाथ यांनी सांगितले की, आम्ही चंद्रावर ‘सॉफ्ट लँडिंग’मध्ये यश मिळवले आहे, भारत चंद्रावर सुखरूप पोहचला आहे.
चांद्रयान-३ लँडर मॉड्यूलच्या यशस्वी सॉफ्ट लँडिंगनंतर बेंगळुरूमधील इस्रोच्या मिशन ऑपरेशन्स कॉम्प्लेक्समध्ये जल्लोष सुरू झाला. इस्रोने ट्विट केले, चांद्रयान-३ ने आपले लक्ष्य गाठले आहे. यासह भारतातील लोकही चंद्रावर पोहोचले आहेत. इस्रोनेही भारतीयांचे अभिनंदन केले. चांद्रयान-३ मिशनचे प्रकल्प संचालक पी. वीरमुथुवेल म्हणाले की, चंद्राच्या दक्षिण ध्रुवाजवळ जाणारा भारत पहिला देश झाला आहे.
महत्त्वाचं म्हणजे चांद्रयान-३चं दक्षिण ध्रुवावर उतरणं स्वतःच खूप महत्त्वाचं आहे. चंद्राच्या या भागात बराच काळोख आहे, त्यामुळे आतापर्यंत कोणत्याही देशाने आपले यान येथे उतरवले नव्हते. मात्र, १० जानेवारी १९६८ रोजी अमेरिकेने या दिशेने नक्कीच प्रयत्न केले. पण अमेरिकेचे सर्वेअर-७ अंतराळयान ज्या ठिकाणी चांद्रयान-३ उतरले आहे त्या ठिकाणापासून बर्‍याच दूरच्या अंतरावर दक्षिण ध्रुवावर उतरले होते.
आफ्रिकेतून पंतप्रधान मोदींनी देशाचे केले अभिनंदन
चांद्रयान-३ च्या यशानंतर पंतप्रधान मोदींनी देशाला संबोधित करताना सांगितले की, माझे मन आनंदात मग्न आहे. आम्ही पृथ्वीवर संकल्प केला आणि चंद्रावर तो साकारला… भारत आता चंद्रावर आहे.
चांद्रयान-३ चे लँडर मॉड्यूल चंद्राच्या पृष्ठभागावर यशस्वीरित्या सॉफ्टलँडिंग झाले. चंद्राच्या दक्षिण ध्रुवावर उतरणारा भारत हा पहिला देश ठरला आहे. चंद्रावर इस्रोच्या तिसर्‍या चंद्र मोहिमेतील चांद्रयान-३ च्या सॉफ्ट लँडिंगबद्दल पंतप्रधान मोदींनी इस्रोचे अभिनंदन केले. असे ऐतिहासिक क्षण पाहिल्यावर आम्हाला खूप अभिमान वाटतो, असे पंतप्रधान मोदी म्हणाले. हा नव्या भारताचा सूर्योदय आहे. चंद्रयान चंद्रावर उतरण्यापूर्वी पंतप्रधान मोदी व्हिडिओ लिंकद्वारे इस्रोच्या शास्त्रज्ञांशी जोडले गेले होते.
चांद्रयान-३ च्या यशानंतर देशाला संबोधित करताना पंतप्रधान मोदी म्हणाले, “माझे मन आनंदाने भारावून गेले आहे. आम्ही पृथ्वीवर संकल्प केला आणि चंद्रावर तो साकारला… भारत आता चंद्रावर आहे. देशापूर्वी कोणीही नाही. तिथे (चंद्राच्या दक्षिण ध्रुवावर) पोहोचले नाही. आमच्या शास्त्रज्ञांच्या मेहनतीने आम्ही तिथे पोहोचलो आहोत. मी दक्षिण आफ्रिकेत आहे, पण माझे मन नेहमीच चांद्रयान मोहिमेसोबत होते. या अभूतपूर्व यशाबद्दल मी इस्रोचे, त्यांच्या शास्त्रज्ञांचे मनापासून अभिनंदन करतो. चंद्राच्या या भागावर आजपर्यंत कोणीही उतरले नाही. कोणताही देश लँडिंग करण्यात यशस्वी झाला नाही, त्यामुळे चंद्राबद्दलच्या सर्व कथा बदलतील.”
तत्पूर्वी, पंतप्रधान मोदी यांनी चंद्राच्या दक्षिण ध्रुवावर ‘विक्रम’ आणि रोव्हर ‘प्रज्ञान’ या लँडरचे यशस्वी सॉफ्ट लँडिंग केल्याबद्दल देशवासियांचे, भारतीय अंतराळ संशोधन संस्था (इस्रो) आणि वैज्ञानिक समुदायाचे अभिनंदन केले आणि ते म्हणाले की. क्षण अविस्मरणीय, अभूतपूर्व आणि “विकसित भारताच्या शंखनादाचा” आहे.
अवकाशात नवा इतिहास रचत इस्रोने बुधवारी २३ ऑगस्ट रोजी चंद्राच्या दक्षिण ध्रुवावर ‘विक्रम’ आणि रोव्हर ‘प्रज्ञान’ या लँडरने सुसज्ज एलएमचे सॉफ्ट लँडिंग केले. भारतीय वेळेनुसार संध्याकाळी ६.०४ वाजता चंद्राच्या पृष्ठभागाला स्पर्श केला. यासह, चंद्राच्या दक्षिण ध्रुवावर सॉफ्ट लँडिंग करणारा भारत जगातील पहिला आणि चंद्राच्या पृष्ठभागावर सॉफ्ट लँडिंग करणार्‍या चार देशांपैकी एक बनला आहे.
पंतप्रधानांनी दक्षिण आफ्रिकेतून व्हिडिओ कॉन्फरन्सद्वारे देशवासीयांना संबोधित करताना पंतप्रधान म्हणाले, “असा इतिहास डोळ्यांसमोर घडताना पाहिल्यावर जीवन धन्य होऊन जाते. अशा ऐतिहासिक घटना राष्ट्रजीवनाचे चिरंतन चैतन्य बनतात.” ते म्हणाले, “हा क्षण अविस्मरणीय आहे, हा क्षण अभूतपूर्व आहे, हा क्षण विकसित भारताचा शंखनाद आहे. हा क्षण नव्या भारताचा जयजयकार आहे. हा क्षण अडचणींचा महासागर पार करण्याचा आहे. हा क्षण आहे आगेकूच करण्याचा. विजयाचा चंद्रमार्ग चालण्याची वेळ आली आहे. हा क्षण १४० कोटी भारतीयांचा आहे. हा क्षण भारतातील नवीन ऊर्जा, नवीन विश्वास, नवीन चेतनेचा आहे.”
इस्रोच्या महत्त्वाकांक्षी तिसर्‍या चंद्र मोहिमेच्या “चांद्रयान-३” च्या लँडर मॉड्यूलने बुधवारी संध्याकाळी चंद्राच्या पृष्ठभागाचे चुंबन घेऊन अवकाश विज्ञानाच्या यशाचा नवा अध्याय रचला. शास्त्रज्ञांच्या म्हणण्यानुसार, या मोहिमेच्या शेवटच्या टप्प्यात सर्व प्रक्रिया पूर्वनियोजित योजनांनुसार व्यवस्थित पार पडल्या. हे असे यश आहे की केवळ इस्रोचे उच्च शास्त्रज्ञच नाही तर भारतातील प्रत्येक सामान्य आणि विशेष व्यक्ती टीव्हीच्या पडद्यावर टक लावून पाहत होता.
हे पण वाचा
- एरंडोल विधानसभा मतदारसंघात महायुतीचे उमेदवार अमोलदादा पाटील यांचा एकतर्फी विजय,५६ हजार ३३२ मतांनी दणदणीत विजय.
- Viral Video:एका कारचालकास रुग्णवाहिकेला रस्ता न देणे पडले महागात, पोलिसांनी शिकवला धडा, लायसन्स केलं रद्द अन् केला लाखो रुपये दंड.
- आक्षेपार्ह पोस्टमुळे धरणगावात तणावपूर्ण बंद; भाजप व शिवेसेनेतर्फे पोलीस निरीक्षकांना निवेदन
- पतीच्या उपचारादरम्यान हृदयविकाराच्या झटक्याने मृत्यूनंतर तीन तासांत पत्नीने संपवली जीवन यात्रा; दोघांचे एकाच चितेवर अंत्यसंस्कार
- सोशल मिडीयावर माळी समाजावरील आक्षेपार्ह मजकुराच्या निषेधार्थ एरंडोल बंद; माजी पालकमंत्री डॉ.सतीश पाटील यांच्या पुतळ्याचे दहन.
