मुंबई :- विक्रोळी परिसरात शिक्षकी पेशालाच काळिमा फासणारी घटना उघडकीस आली आहे. एका पालिकेच्या शाळेत चार मुलींवर पी टी शिक्षकानेच लैंगिक अत्याचार केल्याने खळबळ उडाली आहे.शिक्षा देण्याच्या नावाखाली हा शिक्षक मुलींचा लैंगिक छळ करीत असल्याची माहिती काही विद्यार्थिनींनी त्यांच्या पालकांना दिली होती. त्यांनतर आज या पालकांनी या शिक्षकाला चोप देत पोलिसांच्या हवाली केले आहे.
विक्रोळी पोलीस ठाण्यात शिक्षकावर गुन्हा दाखल करून त्याला आता अटक केलेली आहे. पोलीस पुढील तपास करत आहेत. ही घटना उघड होताच नागरिक आणि पालकांमध्ये संतापाचे वातावरण आहे. आरोपीवर कडक कारवाई करण्याची मागणी पालकांनी केली आहे.
वंचित बहुजन आघाडी आणि शिंदे गट आमने-सामने….
विक्रोळी पूर्वेतील एका मनपा शाळेतील 4 विद्यार्थिनींवर पीटी शिक्षकाने लैंगिक अत्याचार केला. याप्रकरणी पोलिसांनी पीटी शिक्षकाला अटक केली असून, या घटनेमुळे विक्रोळी पोलीस स्टेशनसमोर सर्वच राजकीय पक्षांनी धाव घेतली. या घटनेचा जाहीर निषेध करत शिक्षकावर कडक कारवाईची मागणी देखील करण्यात आली. शिंदे गटाचे पदाधिकारी हे या घटने संदर्भात विक्रोळी पोलीस स्टेशनमध्ये आले होते. याच दरम्यान वंचित बहुजन आघाडीचे उपाध्यक्ष चेतन अहिरे यांच्या उपस्थितीत वंचित बहुजन आघाडीच्या पदाधिकारी आणि कार्यकर्त्यांनी शिंदे सरकारचा जाहीर निषेध करण्यास सुरुवात केली. यामुळे विक्रोळी पोलिस स्टेशनसमोर तणावाचे वातावरण निर्माण झाले होते.
हे पण वाचा
- एरंडोल विधानसभा मतदारसंघात महायुतीचे उमेदवार अमोलदादा पाटील यांचा एकतर्फी विजय,५६ हजार ३३२ मतांनी दणदणीत विजय.
- Viral Video:एका कारचालकास रुग्णवाहिकेला रस्ता न देणे पडले महागात, पोलिसांनी शिकवला धडा, लायसन्स केलं रद्द अन् केला लाखो रुपये दंड.
- आक्षेपार्ह पोस्टमुळे धरणगावात तणावपूर्ण बंद; भाजप व शिवेसेनेतर्फे पोलीस निरीक्षकांना निवेदन
- पतीच्या उपचारादरम्यान हृदयविकाराच्या झटक्याने मृत्यूनंतर तीन तासांत पत्नीने संपवली जीवन यात्रा; दोघांचे एकाच चितेवर अंत्यसंस्कार
- सोशल मिडीयावर माळी समाजावरील आक्षेपार्ह मजकुराच्या निषेधार्थ एरंडोल बंद; माजी पालकमंत्री डॉ.सतीश पाटील यांच्या पुतळ्याचे दहन.
