मुंबई (गुरुदत्त वाकदेकर) : महाराष्ट्राची राजधानी मुंबईतील सांताक्रूझ परिसरात असलेल्या गॅलेक्सी हॉटेलला लागलेल्या आगीत आतापर्यंत तीन जणांचा मृत्यू झाला आहे. तर ५ जण जखमी झाले आहेत. मुंबई पोलिसांनी या घटनेची माहिती दिली आहे. अग्निशमन दलाचे पथक घटनास्थळी हजर असून संपूर्ण हॉटेल रिकामे करण्यात येत आहे.
हॉटेलला लागलेल्या आगीचे कारण अद्याप समोर आलेले नाही. शॉर्ट सर्किट हे कारण असू शकते असे सांगितले जात आहे, परंतु अधिकृत माहिती अद्याप समोर आलेली नाही. आगीची माहिती हॉटेलमधील लोकांना मिळताच चेंगराचेंगरीची परिस्थिती निर्माण झाली. लोक इकडे तिकडे वेगाने धावू लागले. अलार्म वाजवून हॉटेल तातडीने रिकामे करण्यात आले.
हॉटेलच्या दुसऱ्या मजल्यावर दुपारी एकच्या सुमारास आग लागली. अग्निशमन अधिकाऱ्याने पीटीआय या वृत्तसंस्थेला सांगितले की, हॉटेलमधून आठ जणांची सुटका करून त्यांना कूपर रुग्णालयात नेण्यात आले.
आगीवर नियंत्रण मिळवण्यात आले असून इमारतीत अडकलेल्या लोकांना बाहेर काढण्याचे शर्थीचे प्रयत्न सुरू आहेत. अग्निशमन दलाच्या चार गाड्या आणि पाण्याचे अनेक टँकर हॉटेलकडे रवाना करण्यात आल्याचे अधिकाऱ्याने सांगितले.
हे पण वाचा
- एरंडोल विधानसभा मतदारसंघात महायुतीचे उमेदवार अमोलदादा पाटील यांचा एकतर्फी विजय,५६ हजार ३३२ मतांनी दणदणीत विजय.
- Viral Video:एका कारचालकास रुग्णवाहिकेला रस्ता न देणे पडले महागात, पोलिसांनी शिकवला धडा, लायसन्स केलं रद्द अन् केला लाखो रुपये दंड.
- आक्षेपार्ह पोस्टमुळे धरणगावात तणावपूर्ण बंद; भाजप व शिवेसेनेतर्फे पोलीस निरीक्षकांना निवेदन
- पतीच्या उपचारादरम्यान हृदयविकाराच्या झटक्याने मृत्यूनंतर तीन तासांत पत्नीने संपवली जीवन यात्रा; दोघांचे एकाच चितेवर अंत्यसंस्कार
- सोशल मिडीयावर माळी समाजावरील आक्षेपार्ह मजकुराच्या निषेधार्थ एरंडोल बंद; माजी पालकमंत्री डॉ.सतीश पाटील यांच्या पुतळ्याचे दहन.
